ISAIAH 45:9 - Cho Bible Common Language 2016

⁹ M’dek k’am naw ani sheh cicu ng’kü neet püi hning khai aw, ani cun phi a hei k’am gui ah mäih ah kyak ci nei? k’amdek naw k’am sheh ciam, a i nei na bi cine, ng’shi thäh khai ang? K’am naw ani pyan ci am, kä na bi thei ci, cine Ng’thu m’da khai ang?

ISAIAH 45:9 Referans Kwoze

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

JEREMIAH 18:6

“Am shep ci naw amdek a pyan ah mäih ah Israel chang gui cu kei naw ka ning pyang gui hning ciah kä kya ne ma? Am shep ciah kut ung amdek a om ah mäih ah kei ah kut ung nangmi nami om ci nei.

ISAIAH 29:16

Ngami naw apängnü u lulelat ci gui. Am shep ci la amdek, a i ang a küikyang tu ba? Chang ah a pyan naw, pyang ciah chaug am, “Nang acun naw ani am, “A i na bi cu nang naw kä na hmat ci nei” ci na hning khai aw?”

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

JEREMIAH 50:24

“Babilonia, nang naw na na ng’tuk püi ci, nang naw kä hmat ne kei ah cuun ung na awk ci nei.

1 KORIN 10:22

Mikmi naw Bawipa cu mi m’thüi m’ khang nak khai ang? Mikmi cu Bawipa ah mä mi khüighaat pi ciah mi ngai ne ang?

JOB 9:12

Ani naw ang yak hlü bi sei a u naw kä ng’düm sak hlawt ci; “A i cu na bi?” cine a u naw kä ng’shi dat ci.

JOB 33:13

Chang naw ang thu püi ung kä m’shung phung ci, cine a i ah kyasei Khanpughi na gen ang?

THUSHÄUTU 6:10

A i phi kya lawk ci nü cu, a cau ge am hnüt bäi pyi ah kyak ci. Chang tumat naw amät ah mä gaigawng pi cicu ng’cucan püi ne kä gah ci, cicu avan naw mi hmat ci.

ISAIAH 45:10

A nupa gui am, “A i ah kyasei shikcha ah na na hta nak ang” ci dat khai ah chang om ne ang?”

JEREMIAH 36:29

Bawipa naw ghangpughang ka pyen nak vai ah ana m’thein cu “Nang naw ca k’chaw na m’khih ci, a i ah kyasei Babilonia ghangpughang naw law ne, shin ah khaw cu m’di ne, cun ung chang gui la khisa gui cu ngawn gui khai, cine a guk ah Jeremiah cu na ng’shik ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

JOB 9:4

Khanpughi cu cüivai ne huham mah ci nei; a u naw ani kä ng’tuk püi hning ci.

JOB 10:9

M’dek awn na na pyan cu shüm ba ä; m’dek ah na na cigep law ba khai ang?

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.