ISAIAH 45:8 - Cho Bible Common Language 2016

⁸ Kei naw näng nak cu khomik ung ka, kho k’aa ah mäih ah ka yuk chah khai; khomdek naw ng’hmawng ne a cun cu dou sei, pängze nak la taga nak ah vuipai khai. Kei, Bawipa naw shin ah kyak ah ka bik khai.”

ISAIAH 45:8 Referans Kwoze

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

ISAIAH 61:11

Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

SAM 72:6

Ghangpughang cu lai ah khan ah kho a aa mäih ah, ng’lei ah khan ah khüi a book ah mäih ah kya sä.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

ISAIAH 32:15

Cun ung phi khanpughi naw ang mümcha cu natüih law ba gui mä khai. Amdek she pi ah kho cu amdek ni ah kya lawk khai, lo gui ung geitkaw akda m’thawk khai.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

ISAIAH 4:2

Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

SAM 72:3

Kho lei avan cu khawh mah sä; ng’düng nak awn pui m’ca sä.

EPHESIAN 4:24

Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

JEREMIAH 31:22

Nangmi a i güt nami awng aa khai ang, yum nak kä om ciah chang gui? Hnumi naw pami a shung vong cu a küikaa ah mäih ah, kei naw küikaa ci la akthai cu ka tüipiang ci nei.

ISAIAH 66:22

Khomdek thai la khankhaw thai cu kei ah huham awn khäng ne a om mäih ah, nangmi htangshon gui la nami ming cu khäng ne om khai nie.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

SAM 68:8

Shihpi thüng ne, khomik ung ka tui kya lawk ci. A i ah kyasei ci ung Sinai Khanpughi, Israel Khanpughi a law ah hmawk ah kyak ci.

ISAIAH 48:18

“Nangmi naw kei ah thumkhän bäng nami ngaih ah a kyak vaisü ung! Hriham gui cu kä kawi hlawt ciah tui ah mäih ah nami khan ah long khai süte nei! Näng nak cun phi tuikem ah gawk lawk ciah tui hnawk ah mäih ah nangmi ung gawk lawk khai nei.

2 GHANGPUGHANG GUI 19:25

“A shin gui avan cau ge kei naw ka pawng püi cu kä na ng’ya man ne ma? Tuhbäi cun gui kei naw ka law püi ci. Khäng ciah mang gaw gui ng’awt ng’bum ah kyak sak nak ah huham cu nang am ka ning pek ci.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”