ISAIAH 45:7 - Cho Bible Common Language 2016

⁷ Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

ISAIAH 45:7 Referans Kwoze

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

JOB 2:10

Job naw mshang ci, “Nang akholä ah na ng’thu ci! Khanpughi naw akni ana pek gui ung yei ne mi dou ci, ani naw khuikha nak ana pek law ung mä a i hawkcha ah maa thei vai ang? A i chü ah akhuikha ung phi Joba naw Khanpughi ka hnungtuk ci.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

ISAIAH 31:2

Ani naw a i abi cu hmat ci! Ani naw leigai tüi lawk ci. Ani naw changshekha gui la ami shungvong ah chang gui m’kyuk nak gui vai ah, ang huut taap nak law püi ci.

JEREMIAH 31:35

Bawipa naw kho hnüüp ung dei khai ah khohni la khomü ung ng’shü khai ah chapa la aisi gui cu na pe gui ci. Ani naw tuinu hnaawk ne ng’hmum sak ci; ani ah ming cu m’gäi ciah Bawipa ah kyak ci.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.

JEREMIAH 51:20

Bawipa naw pyen ci, Babilonia, nang cu kei ah ng’ki, ka ng’tuk nak likhim ah na kyak ci. Kei naw nang cu pakhui gui la uk nak khaw gui tei nak vai ah ka ning mang ci.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

AMOS 5:6

Bawipa ah hteit vä, nami ghing khai nei. Kä nami hteh ung ani naw Israel chang gui cu mei ah mäih ah ui gui khai. Bethela chang gui cu mei naw ui gui khai, cun cu a u naw kä m’diim hlawt khai.

EZEKIEL 32:8

Kei naw khankho ung akdei avan cu phätsak ne, na khaw ah khan ah a hmüp ka kyak sak khai. Kei, uktu Bawipa naw ka pyen nei.

SAM 29:11

Bawipa naw ak chang gui cu thagui k’be gui ne, dimdeeih nak hriham pe gui ci nei.

SAM 8:3

Na kut m’dawng awn na pyan ah khankho mik la na k’süm ah cha la aisi gui cu ka teng ung

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

PHYAWN NAK 14:20

Egypt gui la Israel gui ah ng’lak ah ng’düm ci. Khaw ng’mei naw Egypt gui cu mü shi gui ci, cun ung phi Israel gui täng ah dei khang ci. Cun ah kyasei mü pum ung gakap gui cu tumat la tumat kä ng’et hlawt ci gui.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

2 GHANGPUGHANG GUI 19:25

“A shin gui avan cau ge kei naw ka pawng püi cu kä na ng’ya man ne ma? Tuhbäi cun gui kei naw ka law püi ci. Khäng ciah mang gaw gui ng’awt ng’bum ah kyak sak nak ah huham cu nang am ka ning pek ci.

SAM 105:28

Khanpughi naw ziin ah mü nak cu cun ah kho ah yuk chah lawk ci, cun ung phi Egypt chang gui naw a ng’thumkhän kä ngai ci gui.

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

NG’ÄI KYAH 3:38

Ani ah thumkhän cu akni la akkaa naw atäng ah gah ci goi nei.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.

JOB 10:13

Cun ung phi nang naw angtäi ah ang thup hta ah na na plawh kheih vai ah nang bü laih laih cu tuhbäi ka hmat ci.

SAM 74:16

Nang naw mü la hnüüp cu na tüisho ci; Hni la cha phi a hmun phäh phäh ung na k’süm ci.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.