ISAIAH 45:6 - Cho Bible Common Language 2016

⁶ Kei naw shin ah ka bi ah phäh ah vang khocawi ah ka naw, vang khocawi ung khüt sei, chang nü naw, kei Bawipa ah ka kyak la a hei khanpughi kä om ci, ci cu hmat lawk khai gui.

ISAIAH 45:6 Referans Kwoze

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

ISAIAH 45:5

“Kei cu khanpughi nei; cun kawn ah ahei khanpughi kä om ci. Nang naw kei cu kä na na hmat pang ung phi, kei naw nang ung hlü ciah thamah nak cu ka ning pek khai.

ISAIAH 37:20

Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

EZEKIEL 38:23

Cun ah hnüüp ung kei naw changpakhui gui avan nam ka dämduh nak la ka theincim nak cu ka m’dang khai. Cun ung ngami naw kei cu Bawipa ah na hmat khai gui.

SAM 83:18

Nang bäng Bawipa ah na kyak la khomdek khan avan ung m’gäi ciah uktu ah na kyak cu hmat tu u sä.

EZEKIEL 39:21

Bawipa naw pyen ci, “Kei naw chang pakhui gui am ka bäimang nak cu ka hmuh sak gui khai, kei naw taga ciah ka m’hnüt bäi nak ung ka huham a i hawkcha ah ka mang ci, cicu ka m’hnuh gui khai.

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

ISAIAH 47:8

Hüithaw nak m’hni tu aih ciah chang, shin cu Ngai ä, Nang cu ng’geing sei om ne na phyawng ciah na ngai ci. Nang naw, khanpughi ah mäih ah na dämduh ci, nang ah mäih a u kä om ciah na ngai ci. Nang naw a i yah ung phi hmeinu ah kä na kyak khai ah na ngai ci. Na hta gui a maih ah phäh ah na geinvai khai ah kä na ngai ci.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

JOEL 2:27

Israel chang gui, nami lung ah ka om cu, nangmi naw nami hmat khai kei cu Bawipa nami Khanpughi ah ka kyak ci, ahei Khanpughi kä om ci. Ka chang gui cu a u naw kä päipih ba gui khai nei.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.