ISAIAH 45:5 - Cho Bible Common Language 2016

⁵ “Kei cu khanpughi nei; cun kawn ah ahei khanpughi kä om ci. Nang naw kei cu kä na na hmat pang ung phi, kei naw nang ung hlü ciah thamah nak cu ka ning pek khai.

ISAIAH 45:5 Referans Kwoze

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

ISAIAH 44:8

Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

JOEL 2:27

Israel chang gui, nami lung ah ka om cu, nangmi naw nami hmat khai kei cu Bawipa nami Khanpughi ah ka kyak ci, ahei Khanpughi kä om ci. Ka chang gui cu a u naw kä päipih ba gui khai nei.

1 GHANGPUGHANG GUI 8:60

Khomdek khan chang pakhui avan naw Bawipa bäng cu Khanpughi nei — a hei kä om ci nei, ciah hmat khai gui.

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

THULÄÄN NAK 4:35

Bawipa naw shin cu ning hmuh sak gui ci, nami hmat vai cu, ani bäng Khanpughi om ci.

JOB 12:21

Ani naw huhamah ci gui cu thüisei sak gui ne, uktu gui ah thagui cu ng’pii sak ci.

SAM 18:39

Nang naw ng’tuk bi nak vai k’thagui na pek ci sei; ka gaa gui ah khan ah ka näng ci.

THULÄÄN NAK 4:39

Cun ah kyasei tuhngawi nami shüm ba vai, kä nami m’hnih vai, khankho la khomdek ung Bawipa cu Khanpughi nei, a hei khanpughi kä om ci.

SAM 18:32

A cun ah Khanpughi naw thagui na ghaat sak ne, Ka hteh nak lam phi düng sak ci.

JOHAN 1:1

Khomdek kä a ng’tüi pha ung Thu cu om ci. Thu cu Khanpughi awn a täng ah om ci. Thu cu Khanpughi ah phi kya ci.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

ISAIAH 22:21

Kei naw na zungsuinu cu sui ne, na kheipat cu ka pek khai, nan gung om ciah huham avan ani am ka pek khai. Ani cu Jerusalem la Judah chang gui ah ami pa ah mäih ah kyak khai.

JOB 12:18

Ani naw ghangpughang gui cu mangkiang ungka k’täm gui ne thawng kyum ah kyak sak gui ci.

PHYAWN NAK 9:14

Tuhbäi ung na bawi gui la na chang gui bäng kä m’kiuk ne, na mät phi ka ning m’kyuk khai. Cun ung khaw ah ka ah kei ah mäih a u kä om ci, cicu nang naw na hmat khai.

SAM 18:31

Bawipa bäng cu Khanpughi ah kyak ci; Khanpughi bäng cu mi ng’shung nak ah kyak ci.

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

ISAIAH 45:6

Kei naw shin ah ka bi ah phäh ah vang khocawi ah ka naw, vang khocawi ung khüt sei, chang nü naw, kei Bawipa ah ka kyak la a hei khanpughi kä om ci, ci cu hmat lawk khai gui.

ISAIAH 47:8

Hüithaw nak m’hni tu aih ciah chang, shin cu Ngai ä, Nang cu ng’geing sei om ne na phyawng ciah na ngai ci. Nang naw, khanpughi ah mäih ah na dämduh ci, nang ah mäih a u kä om ciah na ngai ci. Nang naw a i yah ung phi hmeinu ah kä na kyak khai ah na ngai ci. Na hta gui a maih ah phäh ah na geinvai khai ah kä na ngai ci.

EZEKIEL 30:24

Cun kawn ah kei naw Babilonia ghangpughang ah kut gui cu khüighat sak ne, ani ah kut ung ka khimsem cu ka tha pek khai. Cun ung phi kei naw Egypt ghangpughang ah kut gui cu ka cheiuh hnget khai, ani cu a ga gui ah ma ah ng’hlo ei ne sik khai.

SAM 18:33

Ka khaw cu kigang ah khaw ah mäih ah na yaang sak ne, m’htung lai ah phawng ne na ng’düih sak ci.

SAM 86:10

Nang cu m’gäi ne cäi aih vai gui na bik ci. Nang bäng cu Khanpughi ah na kyak ci nei.

ISAIAH 37:20

Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”