ISAIAH 45:4 - Cho Bible Common Language 2016

⁴ Ka chang shäm Israel, kei naw ka ghü ah chang cu na m’htei htang khai ah, kei naw nang cu ka ning m’düih nei. Kei naw nang cu adämduh ah ka ning m’tamkhah nei. Cun pang ung phi nang naw kei cu kä na na hmat ci nei.

ISAIAH 45:4 Referans Kwoze

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

ISAIAH 44:1

Bawipa naw pyen ci, “Tuhbäi ngai vä, Israel gui, ka changshäm gui, ka ghü ah chang gui, Jakob ah hta ng’shon gui.

ROMAN 9:6

Khanpughi ah shaitaak cu yu kyavük düt ciah ka pyein ah kä kyak ci; a i ah kya sei ci ung Israel chang gui bäng Khanpughi ah chang gui ah kä kyak ci, chang khui hei gui phi Khanpughi ah chang gui ah kyak ci.

MAKUH 13:20

Khanpughi naw cun ah akhin cu kä a tawi sak ah a kyak läi ung a u naw sih nak cu kä phiawn ah hlawt khai nei. Cun ung phi, Khanpughi naw aghü pyi ah chang gui ah hmawk ah cun ah khin cu tawi sak khai nei.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

ISAIAH 43:14

Israel gui ah theingcim ciah Khanpughi, ning hun gui ciah Bawipa naw pyen ci, “Ning hun gui khai ah, Babilon hnung’tuk püi ciah gakap cu kei naw ka tüi lawk khai; mang gaw m’kawt gui cu kei naw ka phyek khai, chang gui ah m’lau cu kyah ah ng’lat khai nei.

1 THESSALONIAN 4:5

Khanpughi kä yum ci gui ah mäih ah pumsa ng’yak hlü düt ah kä nami om ih-en vai nei.

EPHESIAN 2:12

Cun yah ung nang mi cu Bawi Khrit awn nami ng’shawng ci. Nangmi cu a kho hei chang gui ah kya u ne, Khanpughi ah ghü ah chang ah kä nami kya tuk ci. Khanpughi naw ak chang gui ah hmawk ah shai a taak ah ng’thukhän ung phi, nangmi cu kä nami ng’khämtuk ci, khomdek khan ung Khanpughi kä hmu ne, ngaih u vai kä om ciah chang ah nami kya man te ci.

SAM 136:22

Ani naw a changshäm Israel am ap gui ci; Ani ah m’hni nak cu ng’täi ci nei.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.