ISAIAH 45:3 - Cho Bible Common Language 2016

³ Hmüp khui ah ng’thup ciah hmun ung ka khawh cham cu kei naw ka ning pe gui khai; cun kawn ah nang naw kei cu Bawipa ah ka kyak la Israel khanpughi naw na ming ung aning khü cu, na hmat khai.

ISAIAH 45:3 Referans Kwoze

ISAIAH 48:15

Ani ng’thu püi ne khü cicu kei ah ka kyak ci; kei naw ani cu lamshüm ne näng nak ka pek ci.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

PHYAWN NAK 33:12

Moses naw Bawipa ah ma ah, “Shin ah chang gui, cun ah khaw ah ka khah püi gui vai ah na na pyen nak cu akcang ah kyak ci. Cun ung phi kei awn kani hteit khai ah a u na tüih cu kä na na m’thein ci. Nang naw kei cu akni ah na na hmat ci, na na yei nak ciah na pyen ci.

PHYAWN NAK 33:17

Bawipa naw Moses am, “Tuhbäi nak thäh ah mäih ah kei naw ka bik khai nei. Kei naw nang cu akni ah ka ning hmat ci, nang ah khan ah ka yeikyai ci nei” cik ci.

JEREMIAH 50:37

Ang se gui la a zatha gui vu m’di vä! Ami ng’vah ah gakap gui ung sih nak gawk sä. Ngami cu ami k’tha ken aih ci nei! Akhawh cham gui cu m’di vä; tuh ne gut vä.

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

ISAIAH 49:1

Na ngai vä, a shou nak ah om ciah Pakhui gui, a shou nak ah ka nang chang gui! Kei kä ka hmi pha ung Bawipa naw na ghü ne, a changshäm ah na düih ci.

JEREMIAH 41:8

Cun ung phi chang sing gha ng’bum ci gui naw Ishmaela ami pyen nak cu,” Nabä ni, kä na ngawn gui ä! Keimi ung cung htang, barli, olive-situi la khoitui lo ah kami thuh om ci nei, cik ci gui, cun ah kyasei ani naw m’hlawt gui ci.

ISAIAH 41:23

Ngawi ah a i ah kya lawk khai cicu na m’thein gui vä — Cun ung nangmi khanpughi ah nami kyak cu kami hmat khai nei! Akni bi vä, käcung, leigai baw law püi vä; kyikyawk, kyih aa nakawn na be sak gui vä!

JEREMIAH 50:26

Akit päng ungka naw tu vä, htang ami tha nak ah khei gui cu a hmunah gäi vä! Nami gut tep gui cu htang pum ah mäih ah pum vä! khopäng cu m’di vä! A i phi kä nawng en shüt vä!

JEREMIAH 51:13

Cun ah khopäng ung tuinu gui akda, khawn cham akda on ci, cun ung phi ani ah khin cu ng’pyi pyi ci, ani ah ghin nak cu pit pyi ci nei.

2 SHONTÄP NAK 6:17

Cun ah kyasei, Bawipa Israel Khanpughi, na changshäm David ung na shaitak nü cu kümbe sak ä.