ISAIAH 45:2 - Cho Bible Common Language 2016

² “Kei ka mät naw nang ah lam cu ka pyang khai, khogui khomhtung gui ka ng’mi sak khai. Kei naw kyei m’kawt gui cu ka tu hnget yawp khai. M’si ng’lawng gui cu ka cheiuh hnget khai.

ISAIAH 45:2 Referans Kwoze

ISAIAH 40:4

Ng’nawi päng k’be vä; m’htung päng m’hnep vä. Khumhtung gui cu khodou ah kyak khai nei.

LUKA 3:5

Kho kawk kho ng’nawi k’be yawp vai, Kho gui khomhtung ng’tei yawp khai. Lam ng’khep lam ng’koi ng’düng yawp khai, Lam m’gho lam k’ghat k’sei pyan vai.

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

SAM 107:16

Ani naw kyei m’kawt gui cu k’cheiuh yawp ne, m’si ng’vong gui phi gäi ci.

JEREMIAH 51:30

Babilonian gakap gui cu kä ng’tu ba u ne, ami ng’tuk im kyong ah om ci gui. Ngami cu ami thagui maih sei hnumi ah mäih ah kya lawk ci gui. Mang gaw m’kawt gui cu ng’gäi yawp ci, ami im gui cu mei naw ui ci.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

ISAIAH 24:12

Mang gaw cu di ci nei, am kawt gui cu ng’gäi pyi ci nei.

ISAIAH 45:13

Apäng avang ng’düng ne, ka ng’bü nak gui akümbe nak vai ah, kei kamät naw Sairus cu m’thütho ne ka hnünthawh sak ci nei. Ani ah hteh nak vai ah lam päng cu kei naw ka düng sak khai nei. Ani naw ka mang gaw, Jerusalem cu co ba khai nei, ami pha gui ah ka chang gui cu m’hlaut gui khai nei. Shin abi vai ah ani cu, a u naw phi kä pek ci nei.” M’gäi ciah Bawipa naw ng’thu a pyen nei.

ISAIAH 48:15

Ani ng’thu püi ne khü cicu kei ah ka kyak ci; kei naw ani cu lamshüm ne näng nak ka pek ci.

JEREMIAH 28:13

hteit ne Hananiah cu pyen na ä: “Bawipa naw pyen ci, nangmi naw sing awn pyan ah phuih nak cu namicihnget hning khai, cun ung phi ani naw m’siiawn pyan ah phuih nak awn m’thong ba khai.

JEREMIAH 51:58

M’gäi ciah Babilon ah k’paang gui cu m’dek ung gawk khai ah gäi khai gui, ami täng hän m’kawt gui cu m’khih khai gui. Chang pakhui gui ah bilawh avan cu akholä ah kyak ci; Ngami ah k’tha nak gui cu meidäi ung maih ci. Kei, m’gäi ciah Bawipa naw ka pyen nei.”

DANIEL 5:28

M’Khoicha, nang ah uknak khaw cu k’paai ne Medes la Persian gui am pek gui pyi nei” ciah kyak ci.

NAHUM 3:13

Na gakap gui cu hnumi ah mäih ah kyak khai gui, Na khaw lei phi a u naw kä ngäng sei, na ga gui ah ma ah na m’kawt khaai nak gui cu mei naw m’khih yawp khai.

ISAIAH 13:2

Tai ciah m’htung lai ung ng’tuk nak alan cu tai vä! Ng’shei ciah mang gaw m’kawt gui tuk vai ah, ngami ah hmawk ah m’hnüt nak ah gakap gui m’lau ne nami kut shäng vä.

DANIEL 8:4

Kei naw ka teng sangung cun ah htome naw a ki gui awn akhei täng, a htum täng, a siiptäng gui ung su shüi shüi ci. A i khisa naw phi ani cu kä düm sak hning ci, a huham phi kä phiawn ah hning ci. Ani naw a bi hlü ah bi sei shetkat nak däm law pi k’täi ci.