ISAIAH 45:12 - Cho Bible Common Language 2016

¹² Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

ISAIAH 45:12 Referans Kwoze

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

ATÜNNAK 2:1

Cun ah khawpükpüi avan a tüisho cu pyi phleh ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

HEBRU 11:3

Kä hmuh hning ungka naw hmuh hning ah dang lawk khai ah Khanpughi naw ang thuküi awn Khopuui atüisho cu, yum nak awn mi hmat ah kyak ci.

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

ISAIAH 40:22

Cun cu khomdek ah khan, khomik ah hnu ung, amät ah mang kiang ung ngok ci naw apian nei; m’dek khan ung om ciah chang gui cu m’ling hta gui ah mäih ah kyak ci gui nei. Ani naw khomik cu zidung ah mäih ah k’phiat sei, ak kyong ah om nak vai ah phung ah maih ah kyak ci:

ISAIAH 40:12

Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

SAM 102:25

Cau pui pui nang naw khomdek cu na tüisho ci, na mät ah kut awn khankho cu na pyang ci.

THULÄÄN NAK 4:32

“Ng’pyi pyi ciah a khin, kä nami ng’tüi nak pha ah akhin, khomdek khan ung Khanpughi naw chang a tüisho yah ah a khin gui cu shuiyap ba vä. A shin ah mäih ah dämduh ciah a mawng cu kya tu man ne ang? Shin ah mäih ah a mawng ng’ya tu man ciah chang om man ne ang?

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

JOB 37:18

Khanpughi naw khomik ng’shawng sak ne m’shilung ah mäih ah m’liu khai ah ang m’li sak vai ah nang naw na bawm hning ne ang?

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

ISAIAH 37:16

“M’gäi ciah Bawipa, Israel khanpughi, cherubim ah khan ah na mang kiang nak ci, nang bäng nak ci, nang bäng khanpughi ah na kyak ci, khomdek khan ung uknak khaw avan na uk ci nei. Nang naw khomdek la khomik na tüisho ci nei.

ISAIAH 48:13

Ka kut awn khomdek ah angnei gui cu pyan ne, khan kho cu ka ng’phiah sak ci. Kei naw khomdek la khan kho cu ka k’thäh ung ngami ang ghit ah law ne, ami mät naw ami mät m’dang lawk ci gui nei.

ISAIAH 51:13

Nangmi ning pyang gui ci, khan khaw k’phiäh ci, khomdek ah angnei pyang ciah Bawipa cu nami m’hnih ne ma? Na’ng yawshe na gui ciah m’lungshe nak la ning m’di ge vai ci gui cu, a i ah kyasei ang däih ah nami kyih gui ang? Ngami ah m’lungshe nak naw kä ning tawn ba gui hlawt khai nei.

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!