ISAIAH 45:11 - Cho Bible Common Language 2016

¹¹ Bawipa, theingcim ciah Israel khanpughi, malam ah mawngma pyang tham ci naw, a pyen cu; “Ka hta nau gui ah mawng, nami na shi thäh nak hning vai nangmi ung kä om ci, kei naw a i ka bi vai ah, nami na m’thein nak hning vai phi nang mi ung kä om ci!

ISAIAH 45:11 Referans Kwoze

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.

MAKUH 11:24

Cun ah kyasei kei naw ka ning m’thein gui cu,’ Taigü ne kami ng’yoih cu, kami gah ci, ciah nami yum vai, cun ung nami ng’yoih phung nami gah khai.

EZEKIEL 36:37

Uktu Bawipa naw pyen ci, “Kei naw Israel gui cu ka m’htei htang gui vai ah ka k’thäh ba sak gui mä khai, kei naw ngami cu htome bum ah mäih ah ka dämda sak gui khai.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

ISAIAH 29:23

Kei naw ka ning pek gui ah a hmaw gui cu, nangmi naw nami hmuh law ung, kei cu Israel gui ah theingeim ciah khanpughi ah ka kyak cu nami hmat khai nei. Nangmi naw na m’hlüng m’tai u ne, nami na kyih aa khai nei.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

HOSEA 1:10

Israel chang gui cu tuinu kem ah laigin ah mäih ah kyak khai gui, kä khei tai vai, kä nüt tai vai ah kyak khai gui, Tuhbäi Khanpughi naw pyen ah gui ci, “Nangmi cu kei ah kä ning chang gui nei,” Cun ung phi ani naw shi cha ah a pyen nak vai ah hnüüp cu gawk lawk khai nei “Nangmi cu ghing ciah Khanpughi ah hta nau gui nei!”

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 43:21

Ngami cu kei naw ka mät ah phäh ah ka pyan ah chang gui ah kyak ci, Ngami naw kei ami na m’tam nak ng’äi m’cu khai gui!”

JOSHUA 10:12

Bawipa naw Israel gui am, Amorit gui näng nak a pek gui ah hnüüp ung, Joshua naw Bawipa ah ma ah thu pyen ci. Israel chang gui ah ma ah ani naw, “Nu hni aw, Kibeon gui ah khan ah ng’düi lä ä! Pa cha aw, Aijalon khaw nawi ah khan ah ng’düm lä ä” cik ci.

HOSEA 12:4

Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

ISAIAH 43:15

Kei cu Bawipa, thengcim ciah nami khanpughi nei. Kei naw nangmi Israel gui cu ka ning tüisho gui ci, kei cu nami na ghangpughang nei.”

ISAIAH 43:7

Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

ATÜNNAK 32:26

Cun ah chang naw, “Khaw thai lawk ci, na chah ä, ka hteit ba khai” cik ci. Jakob naw, “Hriham kä na na pek pha ung kä ka ning chah khai nei” cik ci.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

DANIEL 2:18

Ani naw, “Khankho Khanpughi naw ana m’thein gui vai ah mi taigü khai, cun ah thuuk ciah ng’mang cu k’phlan ne ana m’thein gui vai ah mi thäh khai. Cun ung Babilon ung m’cumcäi ciah bawi gui awn atäng ah kä na ngawn tu gui khai gui nei” cik ci.

EZEKIEL 39:7

Ka chang gui Israel gui naw ka ming theing ami hmat vai ah akcang ah ka bik khai, kei naw ka ming cu kä ka lü ng’aa ba sak khai. Cun ung, chang pakhui gui naw kei cu Bawipa, Israel ah Theingcim ciah Khanpughi ah na hmat khai gui.”

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

ISAIAH 19:25

M’gäi ciah Bawipa naw hriham pe gui neta pyen khai, “Kei naw hriham ka ning pe gui khai, Egypt, ka chang gui; Assiria, ka ning tüi sho gui; Israel, ka chang ghü gui.”

JEREMIAH 31:1

Bawipa naw pyen ci, “Kei cu Israel Pakhui avan ah Khanpughi ah ka kyak nak la ngami cu kei ah Chang ah ami kyak nak vai ah akhin cu gawk lawk ci nei.

SUKI GUI 16:23

Philistin ghangpughang gui cu a täng ah ng’hmu u neta, ami khanpughi Dakon am dämduh ciah khawihnah nak douthak vai ah k’bäi ci gui. Ngami cu, “Kami khanpughi naw kami ga Samson ah khan ah näng ank na pe gui ci nei!” cine ng’äi ci gui.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

ISAIAH 44:2

Kei cu ning tüisho gui ciah Bawipa nei; Nangmi nami ng’tüi law yah ung kei naw ka ning m’htei htang gui ci. Kä nami kyih vai, nangmi cu ka changshäm, ka ghü ah chang, ka m’hni ah chang ah nami kyak ci.

ISAIAH 45:10

A nupa gui am, “A i ah kyasei shikcha ah na na hta nak ang” ci dat khai ah chang om ne ang?”

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.