ISAIAH 44:9 - Cho Bible Common Language 2016

⁹ A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

ISAIAH 44:9 Referans Kwoze

ISAIAH 41:24

Nangmi la nami bi gui avan cu akholä nei; Nangmi ning khawihnah ci gui chang gui cu shemshai sak ci gui nei!

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

EPHESIAN 5:8

Nangmi nami mät cun phi hmüp khui ung nami om te ci, cun ung phi Bawipa ah chang ah nami kyak awn ah, nangmi cu akdei ung nami om ci. Cun ah kyasei akdei ung om ciah chang ah mäih ah nami om vai.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

ROMAN 1:22

Ngami naw ami mät cu hmuhmat ci gui ah ami pyein ung phi, akcang ah a i kä hmuhmat ci gui ah kyak ci:

DANIEL 11:38

Cun gui ah a hnün ung vongpaang gui ngäng ciah Khanpughi cu ani naw m’tamkhah khai. Ani naw ghui ni, ngui ni, pyülung ni la ahei aküikyang gui cu, apupa gui naw kä ami khawihnah man ah, Khanpughi am douthak khai.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

JEREMIAH 2:11

Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

ISAIAH 43:8

Khanpughi naw pyen ci, “Ka chang gui cu yung ah k’thäh gui vä. Ngami cu ami mik om sei phi m’dauh ci gui; Ami hnga om sei phi pang ci gui nei!

ISAIAH 42:18

Bawipa naw pyen ci, “Ngai vä, a hnga k’pang gui! M’htei ne teng vä, amik m’dauh gui!

SAM 135:18

Cun gui pyang ne cun gui yum ciah chang avan cu, ami mät ah pyan ah a gup ah mäih ah kya u sä!

SAM 115:8

Acun gui pyang ne khawihnah ciah chang van cu, ami pyan ah a gup ah mäih ah kyak ci gui nei.

EPHESIAN 4:18

Kä yum ci gui ah m’lung ngaih cu hnüp khui ah kyak ci. Ngami cu lulang nak maih ne cüivai nak kä om sei, ami m’lung ling ne, Khanpughi ah peit ah ghin nak awn api ah phi käng phaa ci.

SUKI GUI 10:14

Nami mät naw nami ghü gui ah khanpughi gui ah hteit ne kyap m’lau vä. Nangmi yaica nak ung nami gawk law ung acun gui naw ning gung gui u sä” pyen na gui ci.

THULÄÄN NAK 27:15

“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’

2 GHANGPUGHANG GUI 19:18

ami khanpughi gui phi m’khih ci gui — cun gui cu khanpughi ah kä kyak ci gui, chang ah kut awn pyan ah lung la sing a gup gui ah kyak ci.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

ISAIAH 42:17

A gup gui ngaih u ci gui avan lah, a gup am ami khanpughi ah pyen ci gui cu yuk buh gui vai, thüi ng’aa khai gui.”

ISAIAH 43:9

Chang pakhui gui cu yung ah k’thäh gui vä. A hawn ah ami khanpughi naw malam ah mawng cu pyen hning khai aw? Ngami ung ka, a u naw tuhbäi kyak ciah amawng cu pyen hning khai aw? Shin ah khanpughi gui naw ami hman ah mawng ami m’dang nak vai la ami thu ang düng ah mawng nak vai la ami thu düng ah mawng ami m’dang nak vai ah ami saksi gui law püi u sä.

ISAIAH 44:11

A cun khawihnah ciah chang nü cu m’shung nak gak khai nei. A gup pyang ci gui cu hnicim chang gui nei, i kä ng’taih ci nei. Ngami cu law ne ng’cet law u sä — ngami cu cäi ne ng’hlet ne, lü ng’aa khai gui nei.

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

ISAIAH 65:13

Cun ah kyasei kei naw ka ning m’thein gui cu, kei na khawihnah ne ka ng’thu ngai ciah chang cu a ei a awk vai da khai, cun ung nang mi cu ei ah cawi ne, tui ah nami gha khai. Ngami cu yei khai gui, cun ung phi nangmi cu nami thüi khai.

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

SAM 115:4

Ngami ah khanpughi gui cu, hnicim chang naw a kut awn ghui la ngui a pyan ah kyak ci.

ISAIAH 57:12

Nangmi naw nami bi cu hman ciah nami ngai ci, cun ung phi nami bi gui cu kei naw ka m’dang lawk khai nei, nami agup gui naw kä ning hun ba gui hning khai gui.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.