ISAIAH 44:3 - Cho Bible Common Language 2016

³ Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

ISAIAH 44:3 Referans Kwoze

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

EZEKIEL 39:29

Kei naw Israel chang gui ah khan ah ka mümcha cu ka yuk chah khai, kä ka ng’hlah ta ba gui phung khai. Kei uktu Bawipa naw ka pyen nei.

ISAIAH 32:15

Cun ung phi khanpughi naw ang mümcha cu natüih law ba gui mä khai. Amdek she pi ah kho cu amdek ni ah kya lawk khai, lo gui ung geitkaw akda m’thawk khai.

LAMKTU 10:45

Chang pakhui hei gui cun naw phi Khanpughi ah Mumcha Theing cu gah tu u khä tah, Joppa ah kaa Peter awn a täng ah lawk ci gui ah Jew chang gui cu ang htei ah cäicat ci gui.

SAM 107:35

Ani naw khoshe kho cu tui gei kho ah thawng sak ne, kho ng’gau kho ung tui ng’züi sak ci.

ISAIAH 41:17

Ka chang gui naw tui ng’ya hlü ne ami shui sang ung tui gha u ne ami gawn aket sang ung, kei, Bawipa naw ami taigü cu ka m’shang gui khai; kei, Israel khanpughi naw kä ka nawng gui phung khai.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

LAMKTU 2:33

Ani cu Apa Khanpughi ah ak pat lam ah ngawk khai ah tho ba neh, Khanpughi ah shaitak ah Mumcha Theing cu gah pyi ne tah, tuk bäi na mi hmuh ng’yak ah Mumcha theing cu mikmi ah khan ah yuk chah lawk ci.

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

ISAIAH 61:9

Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

ISAIAH 48:21

Bawipa naw a chang gui cu ng’ling ciah khong’gau akan law püi gui yah ung ngami cu tui kä gha ci gui. Ani naw ngami ah hmawk ah lung pou ung ka tui cu luh law sak ci; Ani naw lung cu teek ne ng’hmawn sak sei, acun ung ka tui lut lawk ci.

ISAIAH 65:23

Ngami naw ami bilawh phung cu m’khüt näng nak om khai, ami hta nau gui naw leigai kä bui awt khai gui. Kei naw ngami la ngawi yä ami htangshon cu hriham ka pe gui khai.

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

ISAIAH 32:2

Ngami tumat ci cu, khokhi ung ng’shung nak, puikhokhi ung ng’thuh nak ah hmun ah kyak khai gui nei. Ngami cu khong gau kho ung long tui ah mäih, ng’kiangma kho ung om ciah lung k’pou nu ah ang hnim ah mäih ah kyak khai gui nei.

MATTHE 12:43

‘Khoshe cu a om nak ah chang ungka lut law ne a hei ah a hteh ung, kiangma kho ng’gau yung ah a om nak vai shui shüi shüi ci. Cun ah shui shüi ne kä hmu law hlawt netah,

JOB 5:25

Nang ung khu m’kim khaw ung khu ng’thoot ne a lim ah mäih ah na hta gui da khai.

ISAIAH 48:19

Nang ah hta ng’shon gui cu laigin chü ah da khai gui, kei naw ngami cu a i yah ung phi kä ka dishum sak gui khai.”

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

EZEKIEL 47:8

Ani naw na pyen nak ci, “Shin ah tui lawng naw ak kyang täng ung khaw cu yuk kaan ne, Jordan khongnawi ung gawk ne, Tuisi Tuinu ah zu kyum ci. Cun ah tui cu tuisii tuinu ung kyum neta tuinu ung m’sii tui cu tui gei ah kyak sak ci.

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

MIKHAH 5:7

Pawih ba ciah Israel chang gui cu khui päng ah phäh ah Bawipa ah tüih law ah thai ba ciah khüi ah mäih ah a ghing gui ah khan ah kia lawk ciah khaw goh ah mäih ah kyak khai gui.

ISAIAH 27:3

“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

JOEL 2:27

Israel chang gui, nami lung ah ka om cu, nangmi naw nami hmat khai kei cu Bawipa nami Khanpughi ah ka kyak ci, ahei Khanpughi kä om ci. Ka chang gui cu a u naw kä päipih ba gui khai nei.

JOEL 3:1

Bawipa naw pyen ci, “A cun ah khin ung kei naw Judah la Jerusalem ah bühmang nak cu ka m’tho ba khai.