ISAIAH 44:21 - Cho Bible Common Language 2016

²¹ Bawipa naw pyen ci, “Israel gui aw, shin cu shüm ba vä; shüm ba vä, nangmi cu ka ning changshäm gui nei. Ka ning changshäm gui vai ah ka ning tüishogui nei, api ah phi kä ka ning m’hnih gui khai nei.

ISAIAH 44:21 Referans Kwoze

ZEKHARIAH 10:9

Kei naw chang pakhui gui ah ng’lung ah ka püi sak gui ci, Cun ung phi a sho nak yung ah om pang u ne phi, kei cu na shüm khai gui. Ngami la ami hta gui cu ghing ne ng’shon ne ami im ah law ba khai gui.

ISAIAH 43:15

Kei cu Bawipa, thengcim ciah nami khanpughi nei. Kei naw nangmi Israel gui cu ka ning tüisho gui ci, kei cu nami na ghangpughang nei.”

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ISAIAH 43:7

Ngami cu ka mät ah chang gui, ka bäimang nak law püi khai gui ah ka tüi sho gui ah kyak ci nei.”

ISAIAH 42:23

Nangmi ung ka a u naw baw shin cu ngai khai aw? Tuhbäi ung tün ne nangmi naw geing na ne nami ngai khai aw?

THULÄÄN NAK 32:18

Ami Khanpughi, m’gäi ciah ami hunbawi, ami ghin nak pe gui ci cu, Ngami naw m’hnih ci gui.

THULÄÄN NAK 4:23

Bawipa nami Khanpughi naw a ning bi püi gui ah thukhän cu kä nami m’hnih vai ah nami geing nak vai. Nami mät ah hmawk ah a i a gup phi kä nami pyan vai ah a ning thumkhän gui cu kä nami m’hnih vai.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

ISAIAH 27:11

Sing ghing guiah ami ng’ban gui cü chawng ne hnet sei, hnumi gui naw mei ah cih vai ah lak ci gui nei. A i ah kyasei ci ung chang gui naw a i kä hmat ba ci gui, Tüisho gui ciah khanpughi naw kä m’gein gui khai, chimgein nak api phi kä m’dang gui ci.

ISAIAH 40:27

Israel chang gui, Bawipa naw nami khüi kha nak kä ning hmat gui ciah pyen ne, kä taga ciah nami yaica ung kä ning m’htei gui ciah pyen ne, a i ah kyasei ng’thu nami m’da ang?