ISAIAH 44:15 - Cho Bible Common Language 2016

¹⁵ Chang naw sing ghing ah am cawt cu singah mang ne, am cawt cu a gup ah pyang ci. Ani naw sing am cant cu mei ah awn vai la m’htut ang shai nak vai ah mei ah cik ne, am cawt cu khanpughi ah pyang ne khawihnah ci.

ISAIAH 44:15 Referans Kwoze

2 SHONTÄP NAK 25:14

Amaziah cu Edomit gui a tuk hnim nak ungka law ba ne, a gup gui law püi ne, m’düih ne tha gui ne, khawihnah gui ne, tui ng’ui m’khih ne bawi hma gui ci.

THU PHLAAN 9:20

Cun ah lei ung kä si tu ne k’pawih ba ciah chang gui cu, ami katnak ung kä ng’yu ba ci gui. Khawshe gui la ghui ni, kyei ni, lung ni, sing ni awn ami mät naw ami pyan ah, kä hmu thei ci, kä ng’ya thei ci, kä hteit thei ciah a gup gui cu khawihnah lä ci gui.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 44:10

Khanpughi ah pyen ne khawihnah vai ah a gup pyan cu, kä nik ci nei!

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

ISAIAH 44:14

Ani naw amang vai ah ceda sing cu chuk ci, bung ah ka he sing, käcung m’htai ghing cu ghü ci. Ani naw hlim sing cu geit ne, adäm ng’ghaw nak vai ah kho k’aa cu ngäng ci.

ISAIAH 44:16

Sing amshah cu mei ah cik ci; meh ng’shai ci, ei ci, bä ci cik ci. Ani naw mei awm neta a pyen cu, “Ni aih ci nei, lum aih ci nei! A i hlawk ah nik ciah mei ang?”

ISAIAH 44:17

K’pawih ba ciah sing cu ani naw a gup ah pyang ci, cun kawn ah ani cu m’khuk dong ne, a cun cu khawihnah ci. A cun ah ani naw taigü neta a pyen cu, “Nang cu ka ning khanpughi nei, na hun ä!”

ISAIAH 46:6

Chang gui naw ami ghui ng’ip ung ghui cu k’plawk u ne, ngui cu khin nak awn khin u ne ta, khanpughi pyang khai ah ghui sheh ci cu ng’vat ci gui; cun kawn ah m’khuk dong ne, khawihnah ci gui!

ISAIAH 2:8

Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.