ISAIAH 44:13 - Cho Bible Common Language 2016

¹³ K’penkbi naw k’peen cu nüt ci. A gup cu lung bawk awn geei ci. A m’shük gui awn vüt ne pyang ci, chang ah müi ah pyang ci, chang ah gup akiom a im kyong ah a tha vai ah pyang ci.

ISAIAH 44:13 Referans Kwoze

ROMAN 1:23

Kä si hning ciah Khanpughi khawihmah nak vai sü ung, si hning ciah chang, ni, k’phyu kha, khisa ni, k’phyu m’khaw ni gui ah müi gup gui düt pyang ne khawihnah ci gui.

LAMKTU 17:29

Cun ah mikmi cu Khanpughi ah hta gui ah mi kyak ci kya sei, Khanpughi cu chang gui naw ami ngaih-tüh ah ami hmuhhmat nak awn ami pyantham ah ghui gup, ngui gup, lung gup, gui ah mäih lawk ci ciah kä nami hmat ten vai nei.

EZEKIEL 8:12

Khanpughi naw na ng’shik cu, “Hnicim Chang, Israel gui ah ami ng’vai gui naw düm ah ami bi cu nah mu ne ang? Ngami ami van naw akhan kyong ah be ciah agup gui cu khawihnah ci gui. Ngami naw ng’huuk ne ami pyen cu, “Bawipa naw kä nah mu gui ci! Ani naw mi khopäng cu nawng ci nei.”

ISAIAH 41:7

Im co ci naw ghui shep ciam, “Na bi bä ci!” cik ci. A gup ng’mi khai ah teei ci naw m’si teei ciam k’thagui pek ci. Ngami naw, “Na m’cak cu nik ci nei” ci u ne — a gup cu m’si awn hnen ne akni ah hmoh ci gui.

SUKI GUI 18:24

Mikah naw, “A i nami pyen hlü ang? a i ah ang a kyak? Nangmi naw ka taigü la ka pyan ah khanpughi gui la ne nami hteit ci nei! Kei ung a i ang ak pawih ba” cik ci.

THULÄÄN NAK 27:15

“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

ATÜNNAK 31:32

Cun ung phi na khanpughi gui lak ci läi cu na hmuh ah a kyak ung na ngawn vai nei. Ka chang gui cu saksi vai nei. Ami van zap ne shui gui neta, na kaa a om ah a kyak ung na lak ba vai nei” cine pyen nak ci. Rachelah naw Laban ah khanpughi gui am guk cu Jakob naw kä hmat ci.

ATÜNNAK 31:30

Nang cu na im ah hteit ba hlü aih neta na hteh ba cu ka hmat ci. Cun ung phi a i ah kyasei ka khanpughi cu m’gu ne na hteh püi ang?” cine ng’shik ci.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

ISAIAH 44:14

Ani naw amang vai ah ceda sing cu chuk ci, bung ah ka he sing, käcung m’htai ghing cu ghü ci. Ani naw hlim sing cu geit ne, adäm ng’ghaw nak vai ah kho k’aa cu ngäng ci.

EZEKIEL 8:10

Cun ah kyasei kei naw akyong ah lut ne ka teng ci. K’paang gui cu k’phyu gui la ahei kä theingcim ciah khisa gui ah pung gui la ahei Israel gui naw ami khawihnah ah pung gui naw küm khai ah ami sawi ah kyak ci.

EZEKIEL 8:11

A cun ung Israel gui ah ami ng’vai gui Chih kip om ci gui, Shaphan ah hta Jaazaniah mah ah kyak ci. A Chang sing naw tui ng’ui m’khih nak ah khawk cu kawt ci gui, tui ng’ui cu mei ah khu ci.