ISAIAH 44:12 - Cho Bible Common Language 2016

¹² M’si sheh naw m’si cu la ne mei ung m’hling ci cun kawn ah m’si ng’ki cu a kut awn chang ne, m’si cu teei ne pyang ci. Ani cu cung ah bi ne, ei cawi ci, tui gha ci, baang ci.

ISAIAH 44:12 Referans Kwoze

ISAIAH 40:19

Ani cu chang ah pyan ah a gup ah mäih ah kä kyak ci, Cun cu m’si shep ci gui naw ghui awn vook ne, ang’nei ngui awn ami pyan ah kyak ci. Cun cu m’si shep ci gui naw ghui awn vook ne, ang’nei ngui awn ami pyan ah kyak ci.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

PHYAWN NAK 32:8

Kei naw amiläk vai ah thumkhän ka pe gui ah lam ungka lam plei pyi ci gui nei. Ngami naw ghui lawi awn vantang gup pyang u ne, khawihnah u ne, douthak khawihnah ci gui nei. Ngami naw shin cu mi khanpughi, Egypt khaw ah ka na law püi ba gui ci, cik ci gui nei.

PHYAWN NAK 32:4

Ani naw hnganaak gui la ne tui khai ah shong ne lawi neta vantang ah ghui gup cu pyang ci. Chang gui naw, “Israel gui aw, shin cu mi Khanpughi, Egypt khaw ah ka na law püi ba gui ci” cik ci gui.

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

ISAIAH 40:20

Ngui la ghui kä näh tuk ci naw, kä thu hning ciah sing cu ghü ci. Ani naw shehpiang thei ciah chang cu, ghüh ne, kä kiung tääk khai ah a gup u pyang ci.

HABAKKUK 2:18

Agup cu a i ah mang vai ang? Cun cu chang ah pyan ah kyak ci, cun naw a i phi kä ning m’thein gui khai, cun ung phi ning m’hleei gui khai. Ani yum ciah pyang ciam, ani naw nik ci a i ang abi pek, ani cu ng’thu ah phi kä ng’thu thei ciah khanpughi ah kyak ci!

ZEKHARIAH 1:20

Cun kawn ah Bawipa naw ng’ki kawt ciah bii k’bi chang phli cu na m’hnuh ci.