ISAIAH 44:11 - Cho Bible Common Language 2016

¹¹ A cun khawihnah ciah chang nü cu m’shung nak gak khai nei. A gup pyang ci gui cu hnicim chang gui nei, i kä ng’taih ci nei. Ngami cu law ne ng’cet law u sä — ngami cu cäi ne ng’hlet ne, lü ng’aa khai gui nei.

ISAIAH 44:11 Referans Kwoze

ISAIAH 42:17

A gup gui ngaih u ci gui avan lah, a gup am ami khanpughi ah pyen ci gui cu yuk buh gui vai, thüi ng’aa khai gui.”

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

ISAIAH 1:29

Nangmi cu sing ging gui nami khawihnah ah phäh la khawihnah nak vai ah dum gui nami geitkaw ah phäh ah nami thüisei khai.

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

JEREMIAH 51:17

Ashin abi ah kiasei, chang gui cu gu ang ne, a i kä hmuhmat cigui; A gup pyang ci gui cu ami m’lung kä ni aih ci, a i ah kyasei ci ung ami pyan ah khanpughi gui cu akcang ah kä kya ne, kä ghing ciah akiak ah phäh kyak ci.

JEREMIAH 10:14

Ashin ami hmuh nak awn chang gui cu awng aang u ne, a i kä hmat ci gui; agup gui pyang ci gui naw kä ng’ya hlü ba ci gui, a i ah kyasei ci ung ami pyan ah khanpughi gui cu kä bä ci la kä ghing ciah a kyak ah phäh ah kyak ci.

1 GHANGPUGHANG GUI 18:40

Elijah naw ng’thu k’bäi ne, “Baala prophet gui cu k’pang gui vä; tumat phi kä k’phyawn en vä!” Chang gui naw ngami cu ami van pha gui ci gui, Elijah naw Tuinu Kishon ah hteh püi gui neta ngawn gui ci.

ISAIAH 44:9

A gup pyan ciah chang gui avan cu a kholä ah kyak ci, ami tuk-äih nak ah khanpughi gui cun phi akholä ah kyak ci. Shin ah khanpughi gui khawihah ci gui cu, am dauh gui, a i kä hmat ci gui ah kyak ci. Ngami cu lü ng’aa khai gui.

ISAIAH 65:13

Cun ah kyasei kei naw ka ning m’thein gui cu, kei na khawihnah ne ka ng’thu ngai ciah chang cu a ei a awk vai da khai, cun ung nang mi cu ei ah cawi ne, tui ah nami gha khai. Ngami cu yei khai gui, cun ung phi nangmi cu nami thüi khai.

THULÄÄN NAK 4:28

A cu ah hnicim chang naw kut awn a pyan ah khanpughi gui ah bii nami bik khai. Sing la lung awn pyan ah khanpughi gui, kä hmuk ci, kä ng’yak ci, kä ei awk ci, ang ui kä ng’yak ciah khanpughi gui ah kyak ci.

HOSEA 13:2

Ngami naw khawihnah vai ah ngui agup gui cu pyang u ne, kat nak cu k’pang lä ci gui — ngui agup gui cu hnicim chang naw am lung awn ngaih-tüh ne akut awn apyan ah kyak ci. Cun kawn ah ngami naw pyen u ne, “Shin gui am khawihnah nak douthak vä. Shin ah agup gui a i hawkcha ah chang naw m’hnam gui khai aw? Vantang ah müi gup gui!