ISAIAH 43:9 - Cho Bible Common Language 2016

⁹ Chang pakhui gui cu yung ah k’thäh gui vä. A hawn ah ami khanpughi naw malam ah mawng cu pyen hning khai aw? Ngami ung ka, a u naw tuhbäi kyak ciah amawng cu pyen hning khai aw? Shin ah khanpughi gui naw ami hman ah mawng ami m’dang nak vai la ami thu ang düng ah mawng nak vai la ami thu düng ah mawng ami m’dang nak vai ah ami saksi gui law püi u sä.

ISAIAH 43:9 Referans Kwoze

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

JOEL 3:11

Zaang ne law vä, pei leng ung om ciah pakhui avan, khaw nawi ung bum vä.’ ” O Bawipa, ngami tu gui khai ah, na gakap gui cu tüi law ä.

ISAIAH 43:26

“Zung ah mi hteit khai nei, nami k’bün nak ah mawng cu law püi vä! Nami gihgaw sak ci, nami cheishoh nak nami na phuih kawk sak ci.

ISAIAH 41:1

Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

ISAIAH 48:14

“Nami van, ng’bum ne ngai law vä! Kei naw ka ghü ah chang naw Babilon cu tuk khai, Ani naw kei ah ng’yak hlü ah bik khai, ciah a i khanpughi phi kä ng’cängbang man ci nei.

ISAIAH 34:1

Law vä, chang pakhui avan! Ng’bum uneta ngai vä. Khomdek apum la acun ung om ciah a ghing avan shin ung law ne ngai vä.

ISAIAH 48:3

Bawipa naw Israel gui pyen na gui ci, “Cau pui kei naw a i ah kya lawk khai ci cu ka ng’cängbang ci; cun kawn ah kei naw cun cu ang ghit ah ka kyak sak ci.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.