ISAIAH 43:4 - Cho Bible Common Language 2016

⁴ Kei naw nami hnungui ning hun gui vai ah pakhui avan cu ka m’lungsi khai, A i ah kyasei ci ung nangmi cu kei ah hmawk ah a phu küi ah nami kyak ci, kei naw ka ning m’hni gui ka ning m’tamkhah gui ci.

ISAIAH 43:4 Referans Kwoze

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

JEREMIAH 31:3

ashou nak ah ka naw ngami ung ka ng’dang ci. Israel chang gui, kei naw angtäi sei ka ning m’hni gui ci, Cun ah kyasei kei naw ng’täi ciah ka m’hni nak cu k’täi ne ka ning m’dang gui ci.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

JOHAN 16:27

A i ah kyasei ci ung Kapa amät naw nangmi ning m’hni gui ci. Nangmi naw kei nam hni ne, Khanpughi ungka ka lawk ciah nami yum ah hmawk ah, Kapa naw ning m’hni gui ci.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

MALAKHI 3:17

Hlüngtai ciah Bawipa naw, “Ngami cu ka chang ah kyak khai gui, kei ka hnün thawh law hnüüp ung ngami cu, ka chang akcang ah kyak khai gui. Amät m’thei ciah a hta ah khan ah apa naw a chimgein ah mäih ah ngami cu ka chimgein gui khai.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

THULÄÄN NAK 26:18

Tuhngawi Bawipa naw a shaitak ah mäih ah amät ah chang ah ning dou gui pyi ci. A thukhän avan nami läk vai ah ning thumkhän gui ci.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

JOHAN 17:26

Nang ah na peit ah m’hni nak cu ngami ung a om vai la kei cu ngami ah m’lung kyong ung ka om vai ah, nang ah na mawng cu ngami-am ka hmat sak gui pyi ci, a ngawi ah phi ka hmat sak ba gui lä khai nei” cik ci.

MALAKHI 1:2

Bawipa naw a chang gui am, “Kei naw angtäi sei ka ning m’hni gui ci nei” cik ci. Cun ung phi ngami naw, “Na na m’hni nak gui cu a i hawkcha ah na m’dang khai ang?” cik ci gui. Bawipa naw, “Esau la Jakob cu ng’phäi nau goi ah kyak ci, cun ung phi Jakob la a hta ng’shon cu kei naw ka m’hni ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

ISAIAH 49:5

Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.

THULÄÄN NAK 4:37

Ani naw nami pupa gui m’hni gui ci, Ning ghü gui ci, dämduh ciah a huham awn amät naw Egypt khaw ungka ning law püi ba gui ci.