ISAIAH 43:13 - Cho Bible Common Language 2016

¹³ Kei cu khanpughi nei, ang täih ah a cun ah ka kyak khai nei, kei ah ka huham ung ka, a u kä phyawng hlawt khai, kei ah ka bi cu a u naw kä m’thawng hlai hlawt khai.”

ISAIAH 43:13 Referans Kwoze

ISAIAH 14:27

M’gäi ciah Bawipa naw shin ah bi vai ah k’bäi ci nei; ani naw m’kyuk nak vai ah a kut cu shäng ci nei. A u naw phi kä ng’düm hlawt khai.

ISAIAH 46:10

A htük ge ung, kho ah ng’pyi nak vai ah mawng kei naw ng’cä ne ka pyen ci; cau pui ge ung a i ah kya lawk khai cicu kei naw ka pyen tu ge ci. Kei naw ka pawng pui gui cu kä yung kya phung khai cine kei naw ka pyen ci, Cun ah kyasei kei naw ka bi vai ah ka k’bäi phung cu ka bik khai nei.

SAM 90:2

Khomhtung gui la khomdek khan ak ghing avan kä na tüisho pha ge ung, cau pui tün ne Khanpughi ah na kyak ci, ngawi yä Khanpughi ah na kyak khai.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

JOB 9:12

Ani naw ang yak hlü bi sei a u naw kä ng’düm sak hlawt ci; “A i cu na bi?” cine a u naw kä ng’shi dat ci.

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 41:4

Shin ah kya lawk khai ah bik cicu a u ang? A u naw ang ng’shonlam manngma a kyak sak ve? Kei, Bawipa cu ang tün nak ung ka om ci, Kei, Bawipa cu akhüt nak ung phi ka om khai nei.

SAM 93:2

O Bawipa, na mangkyang cu ang tün ung tüi ne khäng lä ci, khaw kä ang tün pha ung nang cu na om ge ci.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

NG'THU K'THUUK~ 8:23

Kei cu a tün law nak ah ana pyan ah kyak ci; akhtükbäih ung khaw kä a om pha ung.

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

THULÄÄN NAK 28:31

Na sei gui cu na hmuh ge ah ngon khai gui, cun ung phi a meh api phi kä na ei tuk khai. Na ng’sela gui cu na hmuh ge ah k’täm khai gui, kä ning pe law ba khai gui. Na htome gui cu na ga gui am pek khai gui. Cun ung phi ning m’hteihtang tuk khai a u kä om khai.

HOSEA 5:14

Israel la Judah chang gui cu phongkawng ah mäih ah kia ne kei naw ka tu gui khai. Kei ka mät naw akhui pi ah kyak khai gui ah k’teek gui ne ka hteh ta gui khai. Kei naw ngami ka kaih gui ung a u naw ngami kä hun gui hlawt khai.

HOSEA 2:10

Kei naw ani cu am hni gui ah ma ah ak plui ah ka om sak khai. Kei ah ka huham ungka a u naw phi kä hun ba gui hlawt khai.

KHEI NAK 23:20

Hriham pek vai ah kei cu na m’shüm thein pyi ci. Khanpughi naw hriham a pek cu kei naw kä ka m’hlan ba hning ci.

ISAIAH 46:4

Kei cu nami na khanpughi nei, nangmi ghi ne nami lu ang pyok güt kei naw ka ning m’htei gui khai nei. Kei naw ka ning pyang gui ci, ka ning m’htei gui khai nei. Kei naw ka ning bawm gui khai, ka ning gung gui khai.

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

ISAIAH 48:16

“Tuhbäi ka pei ah law ne, ka pyen cu ngai lawä. Ak htük ung kei cu akdeidang ah ka ng’thu ci, ka ng’thu angtäi sei akcang ah kyak sak ci.” (Tuhbäi uk tu Bawipa naw a huham na pe ne na tüi ci.)

JOSHUA 2:2

A cu mü Israel chang gui naw khaw däät khai ah ami law cu, Jerikho ghangpughang naw ng’ya neta,

JOB 10:7

Kei cu changshe ah kä ka kyak ah mawng la nang ungka a u naw kä na phyawn hlawt ci cicu na hmat ci.

SAM 102:28

Kami hta nau gui cu phyawng ne om khai gui, nang ah shung vong nak ka ah ami hta ng’shon gui cu phyawng m’hteim khai gui.