ISAIAH 42:9 - Cho Bible Common Language 2016

⁹ Kei ah cäi bang gui cu tuhbäi akang ah kya lawk ci nei. Tuhbäi kei naw, amawng ak thai gui cu, kä ah kyak law pha pang ung phi ka ning m’thein gui khai nei.”

ISAIAH 42:9 Referans Kwoze

ISAIAH 43:19

Kei naw ka bi law vai ah amawng akthai cu ngäing vä. Cun cu kya law pyi ci nei — tuhbäi nangmi naw nami hmu hning ci nei! Kei naw khong’gau khaw kan ne lam ka pyang khai nei, cun ung tui lawng gui ka ning pe gui khai nei.

JOHAN 13:19

Shin ah mawng gui ng’dawt ne ka ning m’thein gui cu, ka pyein gui akcang ah a kyak law hnüüp ung ‘Kei cu Kei’ah ka kyak ah mawng nami yum vai ah hmawk ah kyak ci.

JOSHUA 21:45

Bawipa naw Israel gui ung abi ah shaitak päng cu paang khenggeng ci.

1 GHANGPUGHANG GUI 11:36

cun ung phi Solomon ah hta am pakhui tumat pek vai. Cun ah kyasei kei am na khawihnah nak vai ah ka ghü ah Jerusalem mang gaw ung ka changshäm David ah hta ng’shon awn angtäi sei ka uk sak khai.

LAMKTU 15:18

Shin cu cau pui Bawipa naw hmat ne a pyein ah kya ci” ci ne pyein ci.

ISAIAH 48:3

Bawipa naw Israel gui pyen na gui ci, “Cau pui kei naw a i ah kya lawk khai ci cu ka ng’cängbang ci; cun kawn ah kei naw cun cu ang ghit ah ka kyak sak ci.

ISAIAH 48:6

Kei naw ng’dawt ne ka pyen gui avan tukbäi kya law pyi ci: kei ah ka ng’cängbang gui hman ciah tuhbäi nami ng’kia vai. Lawk khai ah a mawng ak thai gui la kä ka m’than pha ah amawng gui cu Tuhbäi kei naw ka ning m’thein gui khai.

ISAIAH 48:5

A cau ge ung kei naw nami malam ah mawng cu ka pyen pyi ci, cun gui kä ami kiak pha ung ka ng’shäu pyi ci, Cun gui cu, nami agup gui naw a kyak sak ah nami pyen vai ah kyi neta, shung nak ah kyak ci.