ISAIAH 42:8 - Cho Bible Common Language 2016

⁸ “Kei bäng cu Bawipa nami na khanpughi nei. A i ahei khanpughi naw phi kei ah bäimang nak cu kä ng’pai tuk khai nei; kei ah m’taam nak cu agup gui naw kä ng’pai tuk khai nei.

ISAIAH 42:8 Referans Kwoze

ISAIAH 48:11

Kei naw ka biphung cu ka mät ah hmawk ah kyak ci nei. Kei naw ka ming kä m’tamkhah nak vai ah kiak cicu kä ka bik khai nei, ka bäimang nak cu a u am phi kä ka ng’tu sak khai nei. Cun cu ka mät ah ka, ka mät bäng ah ka ah kyak khai nei.”

ISAIAH 43:11

“Kei bäng nei Bawipa ah ka kiak, kei bäng naw nei, nangmi ka ning hun gui hning ci.

PHYAWN NAK 34:14

“A hei khanpughi kä nami khawihnah vai, a i ah kyasei ci ung Kei, Bawipa m’tumtäng nak phung ka lum k’she nak ci nei.

SAM 83:18

Nang bäng Bawipa ah na kyak la khomdek khan avan ung m’gäi ciah uktu ah na kyak cu hmat tu u sä.

PHYAWN NAK 4:5

Bawipa naw, “A shicha ah Israel chang gui ah ma ah na bi ung, Bawipa, ami pupa gui ah Khanpughi, Abraham, Isaak la Jakob ni ah Khanpughi cu, nang ah ma ah dang ciah yum khai gui nei” cik ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,

SAM 66:2

A bämang nak ah aming ung ng’äi m’cu vä; bäkhäk ciah m’tam nak pe vä!

ISAIAH 43:3

Kei cu Bawipa nami khanpughi, ning hun gui ciah theing cim ciah Israel khanpughi ah ka kyak ci nei. Nangmi nami luat vai ah Egypt khaw cu kei naw ka m’lungsi khai, Sudan la seba cu kei naw ka m’lungsi khai.

DANIEL 5:4

ghui ni, ngui ni, kyei ni, m’sii ni, sing ni, lung ni awn ami pyan ah khanpughi gui cu m’hlüngtai ci gui.

ISAIAH 48:5

A cau ge ung kei naw nami malam ah mawng cu ka pyen pyi ci, cun gui kä ami kiak pha ung ka ng’shäu pyi ci, Cun gui cu, nami agup gui naw a kyak sak ah nami pyen vai ah kyi neta, shung nak ah kyak ci.

ISAIAH 48:6

Kei naw ng’dawt ne ka pyen gui avan tukbäi kya law pyi ci: kei ah ka ng’cängbang gui hman ciah tuhbäi nami ng’kia vai. Lawk khai ah a mawng ak thai gui la kä ka m’than pha ah amawng gui cu Tuhbäi kei naw ka ning m’thein gui khai.

JEREMIAH 33:2

Bawipa, khomdek pyang ci, m’hnüm neta a hmun ung k’süm ci naw na ng’thu püi ci. Bawipa ming nak ci naw pyen ci,