ISAIAH 42:7 - Cho Bible Common Language 2016

⁷ Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

ISAIAH 42:7 Referans Kwoze

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 49:9

Kei naw thawng kyum ci gui ka pyen na gui khai, ‘Luat ne hteit ba vä!’ Ka cik khai, Hmüp khui ung om ci gui am, ‘Akdei ung lut law vä! ka cik khai!’ Ngami cu khogui yung ah khu ei ciah htome ah mäih ah kyak khai gui;

ISAIAH 35:5

Amik m’dauh gui naw hmu hning khai gui, akpang gui naw ng’yak khai gui.

2 TIMOTHI 2:26

Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

LUKA 24:45

Cun kawn ah ang düihpüi gui naw cacim ami hmat vai ah ami m’lung cu hmawn pe gui netah,

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

JOHAN 9:39

Bawipa Jesuh naw, “A mik m’dauh gui, ami mik m’dei ne amik m’dei ci gui ami mik m’dauh khai ah m’khoichaa nak ka bik khai, khomdek khan ah ka lawk ci” cik ci.

ISAIAH 29:18

Cun ah hnüüp a gawk law ung a paang naw ca uk akdäm ah ami phat cu ng’yak khai, amik m’dauk hmüp khui ung om cicu amik m’dei sei hmu lawk khai.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

ISAIAH 9:2

Hmüpkhui ung hteit hton ciah chang gui naw dämduh ciah akdei hmuk ci gui nei. Ngami cu sihnak ah shung ah khaw ung ami om man ung phi, Tuhbäi akdei cu ami khan ah ng’shü ci nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

ISAIAH 42:22

Cun ung phi tuhbäi na chang gui cu guttep gui ci gui nei; Ngami cu thawng im ung khai shi gui ne chum gui ne thup gui ci gui nei. Ngami cu tuthat ne guttep gui ci gui nei, ani naw phi law ne kä gung gui ci nei.

ISAIAH 42:16

“Kei naw amik m’dauh ciah ka chang gui cu kä ami hteh nak man ah lam ung ka ng’khah püi gui khai. Ami mü hmüp nak cu akdei ah ka m’hlat khai, ghat ciah khaw cu ami ma ah ng’mi khai ah ka pyang khai. Shin gui cu kei ah shaitak ah kyak ci, kei naw kä chah ne ka k’pang khai.

JOHAN 9:7

(Silom ah ming cu, ‘Tui ci’ ciah kyak ci.) Ani cu hteit ne a hmai vam hla netah m’dei ne law ba ci.

MIKHAH 7:9

Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.