ISAIAH 42:6 - Cho Bible Common Language 2016

⁶ “Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

ISAIAH 42:6 Referans Kwoze

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

LAMKTU 13:47

Bawipa naw ana peit gui ah thukhän cu: “Kei naw nangmi cu changpakhui hei gui ah hmawk ah, akdei ah ka ning m’düih gui ci, Cun ah kyasei khomdek khan avan naw hun nak gah khai, ci ne pyein ci” cine pyein sak ci goi.

JOHAN 8:12

Bawipa Jesuh naw, Pharise gui-am,” Kei cu khomdek khan ah akdei ah ka kyak ci, kei ah hnu ah na läk ciah chang cu ghin nak akdei gah khai, a i yah ung phi kho hmüp khui ung kä hteit ba khai”, cik ci.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

ISAIAH 26:3

Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

HEBRU 9:15

Cun ah kyasei Khanpughi naw a khü ah chang gui naw, Khanpughi ah a shaitaak ah angtäi m’shumphyuk nak ami gah vai ah, Bawi Khrit naw thukhän thai cu pyang ci. Cun ah abi cu, ak htük ah thukhän ah kaa ah ami om sang ung chang gui ah ami cheishoh nak gui cu, phiawn khai ah, sih nak tumat a om ah hmawk ah kyak ci.

LAMKTU 26:23

Messiah cu sih nak a aut kawn ah, sih nak ungka tho ba htük ne, Israel chang gui la changpakhui hei gui am, hun nak ah ak dei ah mawng cu ng’shäu ne m’thein gui khai nei” cine m’hlan ne pyein tu ba ci.

2 KORIN 1:20

Khanpughi ah shaitaak avan cang ah m’dang ciah kyak ci. Cun ah kyasei Khanpughi ah bämang nak ang dang vai ah, Bawi Jesuh Khrih ung “Amen” mi ciah kyak ci.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

ISAIAH 41:13

Kei cu Bawipa, nami na khanpughi nei; kei naw k’thagui ning pe gui ne, ka pyen cu, ‘Kä nami kyihkyawk vai nei, ka ning m’htei gui khai nei.”

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

ISAIAH 45:13

Apäng avang ng’düng ne, ka ng’bü nak gui akümbe nak vai ah, kei kamät naw Sairus cu m’thütho ne ka hnünthawh sak ci nei. Ani ah hteh nak vai ah lam päng cu kei naw ka düng sak khai nei. Ani naw ka mang gaw, Jerusalem cu co ba khai nei, ami pha gui ah ka chang gui cu m’hlaut gui khai nei. Shin abi vai ah ani cu, a u naw phi kä pek ci nei.” M’gäi ciah Bawipa naw ng’thu a pyen nei.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

ISAIAH 32:1

Khohnüüp ät ung bekhe ne uk ciah ghangpughang la taga khai ah uk ciah pakhui chang vai gui dang lawk khai nei.

HEBRU 7:2

Abraham naw agah avan ah bum ghaa bum ät cu pek ci. (Melchizedek ah aming cu ‘Düng nak ah Ghangpughang,’ ciah kyak ci. A i ah kia sei ci ung ani cu Salem ghangpughang ah kyak ci. Cun kawn ah “Dimdeeih nak ah ghanpughang ngah phi ming ci.”)

ISAIAH 27:3

“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

ISAIAH 41:2

“Akhei täng ah ka ng’näng ciah chang law püi ne, a hteh nak päng ah ng’näng ciah chang law püi ne, a hteh nak päng ah ng’näng sak ci cu, a u ang? Ghangpughang gui la chang pakhui gui ah khan ah anäng nak pek cicu a u ang? Ani ah khimsem naw ngami cu m’vut khui ah mäih ah tuhnim gui ci nei.

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

JEREMIAH 12:16

Ngami naw ami m’lung kyong avan awn kei ah ka chang gui ah yum nak cu dou u ne, shin cha ah ng’tam u ne, “Bawipa a ghin ah mäih ah” — cine, zan ä Baal ung ng’tam ne ka chang gui ami m’thei thang ah mäih ah ami ng’tam ah a kyak ung, — ngami cu kei ah chang amshah ah kya u ne, bühmang khai gui.