ISAIAH 42:5 - Cho Bible Common Language 2016

⁵ Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

ISAIAH 42:5 Referans Kwoze

ISAIAH 40:22

Cun cu khomdek ah khan, khomik ah hnu ung, amät ah mang kiang ung ngok ci naw apian nei; m’dek khan ung om ciah chang gui cu m’ling hta gui ah mäih ah kyak ci gui nei. Ani naw khomik cu zidung ah mäih ah k’phiat sei, ak kyong ah om nak vai ah phung ah maih ah kyak ci:

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

JEREMIAH 10:12

Bawipa naw khomdek cu a huham awn pyang ci; A cüvai nak awn khonglei cu tüisho ne khankho cu ng’phiah sak ci.

ISAIAH 48:13

Ka kut awn khomdek ah angnei gui cu pyan ne, khan kho cu ka ng’phiah sak ci. Kei naw khomdek la khan kho cu ka k’thäh ung ngami ang ghit ah law ne, ami mät naw ami mät m’dang lawk ci gui nei.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

JOB 33:4

Khanpughi ah mümcha naw na pyang tham ne ghin nak na pek ci nei.

LAMKTU 17:25

Khanpughi cu chang avan am hnun gui ghing nak la a päng avan yuk pek ciah kya ne, ang yaak hlü tumatmat om ciah mäih ah chang naw kut awn bi vai kä ng’ya hlük ci.

JOB 12:10

Khanpughi naw atüi pyan gui ah ghin nak cu lam shüm gui ci; chang ah ghin nak cun phi ani ah huham kiong ah om ci.

ISAIAH 40:12

Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

SAM 136:6

Thuuk ciah tuinu ah khan ah khomdek cu k’süm ci; Ani ah m’hni nak cu ng’täi ci nei.

AMOS 9:6

Bawipa naw Khankho ah a im co ci, khomdek khan cu khomik awn küm ci. Ani naw tuinu tui gui cu khü ne, khomdek khan ah yuk chah ci. Ani ah ming cu Bawipa nei!

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

ISAIAH 40:28

Kä nami hmat ne ma? Kä nami ng’ya man ne ma? Bawipa cu khong län ciah khanpughi nei; Khomdek avan ani naw tüisho ci nei. Ani cu a i yah ung phi kä cümbawng man ci nei. Ani ah ngaih-tüh cu a u naw kä hmat hlawt ci nei.

JOB 34:14

Khanpughi naw hnun gui ghin nak alak ba ah a kyak ung

JOB 27:3

Khanpughi naw ng’ghi nak ana peit ah chuih,

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

ISAIAH 37:16

“M’gäi ciah Bawipa, Israel khanpughi, cherubim ah khan ah na mang kiang nak ci, nang bäng nak ci, nang bäng khanpughi ah na kyak ci, khomdek khan ung uknak khaw avan na uk ci nei. Nang naw khomdek la khomik na tüisho ci nei.

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

JEREMIAH 38:16

Cun ah kyasei ghang pug hang Zedekiah naw adüm ah shai tak ha pek ci, “Kei cu ghing ciah khanpughi ah kyak ci, kei naw sih nak kä ka ning pek khai, käcung nang ning ngawn hlük ciah chang gui am kä ka ning ap khai.”

EZEKIEL 18:4

Chang nü ah ghin nak cu kei naw ka k’pang ci, nupa gui ghin nak phi ka k’pang cik, hta nau gui ah ghin nak phi ka k’pang ci. Katnak bik ciah Chang cu sik khai ah kyak ci.

SAM 96:5

Chang khuihei gui ah khanpughi gui cu, a gup gui ah kyak ci, cun ung phi Bawipa naw khankho cu tüisho ci.