ISAIAH 42:22 - Cho Bible Common Language 2016

²² Cun ung phi tuhbäi na chang gui cu guttep gui ci gui nei; Ngami cu thawng im ung khai shi gui ne chum gui ne thup gui ci gui nei. Ngami cu tuthat ne guttep gui ci gui nei, ani naw phi law ne kä gung gui ci nei.

ISAIAH 42:22 Referans Kwoze

SAM 102:20

Ani naw thawng kyum gui ah ng’hlo ei cu ng’yak ci, sihnak ah ami m’kyuk gui cu m’hlawt gui ci.

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

ISAIAH 51:23

Kei naw a cun cu ning yawshe na gui ci am, lam ung nami ng’zän khai ah ning ci gui ci am, m’vut ah mäih ah ning kai na gui ci am, ka pe gui khai nei.

SAM 50:22

“Shin cu ngai vä, nangmi kei kä na shüm ci gui, kä cun ung — kei naw ka ning m’di gui khai, Ning hun gui ci a u kä om ba khai.

ISAIAH 42:7

Nang naw amik m’dauh cu na m’dei sak khai, Thawng kyong ah hmüp khui ung ngok ci cu na laut sak khai.

ISAIAH 24:22

Khanpughi naw ghang pughang gui cu thawngkium gui ah mäih ah khui tumatung m’tawk gui khai. Ani naw ngami cu, ngami m’kyuk nak gui vai ah akhin a gawk law güt ung khai gui khai.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

ISAIAH 18:2

Cun ah khaw ung ka shächang gui cu, phiphät gong awn pyan ah hleikaw gui awn Nile tuinu ung kyum lawk ci gui. Nami im ah hteit ba vä, zangkhai ciah shächang gui! Shin ah ng’thu cu, tuinu gui naw am cha ah nami khaw ah thamah ne, huham mah ciah nami pakhui ah, däm ng’shäi ne, kyom ciah nami chang gui, khomdek khun ung van naw akyih gui ah, hteh püi ba vä.

ISAIAH 14:17

Mang gaw gui m’di ne, khaw cu khaw ng’gau ah ng’lat. Sak ciah chang ah kä kya ne ang? Thawng kium ci gui kä m’hlawt ba gui phung ne, ami im ah kä hteh ba sak gui ciah chang ah kä kya ne ang?

ISAIAH 1:7

Nami khawpäng cu m’dimshum u ne, nami mang gaw gui cu m’dek ah khüt khai ah m’khih ci gui nei. Nami hmuh ge aha akhaw hei Chang gui naw nami khaw la u ne, avan hteh püi ne m’di ci gui nei.

JEREMIAH 52:31

Evilmerodak, Babilonia ghangpughang ah a kyak law kum, ani naw Judah ghangpughang Jehoiachin cu m’gein neta apha nak ungka hlawt ba ci. Cun ah a kyak cu Jehoirehin pha ne ami hteh püi kawn ah akum thumkip lei chih nak, a cha gha lei goi nak ah a hnüüp m’ku lei hma nak hnüüp ah kyak ci.

ISAIAH 56:9

Bawipa naw, khohei pakhui gui am, khisa ah mäih ah law u ne, ak chang gui ami baai gui vai ah m’thein gui ci.

ISAIAH 45:13

Apäng avang ng’düng ne, ka ng’bü nak gui akümbe nak vai ah, kei kamät naw Sairus cu m’thütho ne ka hnünthawh sak ci nei. Ani ah hteh nak vai ah lam päng cu kei naw ka düng sak khai nei. Ani naw ka mang gaw, Jerusalem cu co ba khai nei, ami pha gui ah ka chang gui cu m’hlaut gui khai nei. Shin abi vai ah ani cu, a u naw phi kä pek ci nei.” M’gäi ciah Bawipa naw ng’thu a pyen nei.

ISAIAH 36:1

Judah ung Hezekiah ghangpughang ah a kyak nak a kum ghaleiphli ung. Assiria mang bawi Sennacherib naw khäng htek ciah Judah mang gaw gui cu tu ne khän ci.

ISAIAH 5:29

Gakap gui cu sa lou ne kawt ne, a i naw kä a guh hlawt vai ah phaw ne ghung ne m’ngawk ciah phongkawng ah mäih ah kyak ci gui.

ISAIAH 42:23

Nangmi ung ka a u naw baw shin cu ngai khai aw? Tuhbäi ung tün ne nangmi naw geing na ne nami ngai khai aw?

ISAIAH 24:3

Khomdek cu ng’phyit ne dii khai. Shin cu Bawipa ah thu pyen ah kya ne, bi tuk cang khai nei.