ISAIAH 42:21 - Cho Bible Common Language 2016

²¹ Bawipa cu khanpughi nei, ani naw ang ghit ah hun hlük ci nei. Angthukhän gui la a m’theithang gui cu m’hlüng tai ci nei, A chang gui naw ami m’tamkhah vai ah ng’ya hlük ci nei.

ISAIAH 42:21 Referans Kwoze

ROMAN 3:31

Cun ah a kyak ung mikmi naw Khanpughi yum nak awn thukhän cu mi nawng en ah kyak khai ang! Cun ah kä kyak ci, thukhän cu mi khän htek sak nak ah kyak ci nei.

HEBRU 8:10

Ngawi ah Israel chang gui awn ka bi vai ah thukhän läi cu, “Kei naw ka thukhän cu ngami ah m’lung ung thun ne, Ami m’lung ung ka guk khai. Kei cu ngami ah Khanpughi ah ka kyak khai, Ngahmi cu kei ah chang ah kyak khai gui.

ROMAN 7:12

Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

MATTHE 3:15

Bawipa Jesuh naw, “Khanpughi ah a pyein ah bi mi bik khai kya sei, acun ah na bi vai” cine kyak na khätah, cun kawn ah Johan naw yum ci.

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

SAM 71:19

Khanpughi, na düng nak naw kho mik pha ci, a küikyang bi na bi pyi ci; nang ah mäih a u kä om ci.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

PHILIPPIAN 3:9

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.

KALATIAN 3:21

Cun ung thukhän la Khanpughi ah shaitaak cu hnu ng’tuk ni ne ang? Kä hnu ng’tuk ci goi nei! Chang ah hta naw ghin nak ah thukhän ami gah vai sü ung, acun läk nak awn chang phung cu Khanpughi ung düng nak gah khai sü te.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.

JOHAN 15:10

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

JOHAN 8:29

Kei na tüi lawk cicu kei awn a täng ah om ci; ani ah ng’yak hlü bäng ah angtäi sei ka bik ci kyasei, ani naw kei ka mät bäng kä na nawng ci” cine m’thein gui ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

SAM 71:16

Bawipa, Khanpughi, na thamah nak ung ka hteit khai; na mät ah ni nak bäng cu ka ng’shäu khai.

SAM 138:2

Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

ISAIAH 51:4

“Na ngai vä, ka chang gui aw, kei naw a i ka pyen ah ngai vä; kei naw ka m’theithang gui cu chang pakhui gui am ka pek ci; kei ah ka thukhän gui naw akdei pe gui khai.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”

THULÄÄN NAK 4:8

A u ni pakhui, a i hlawk ah dämduh ci ung phi, tuhngawi kei naw ka ning m’thein gui ah mäih ah taga ciah thukhän gui cu kä om ci.