ISAIAH 42:10 - Cho Bible Common Language 2016

¹⁰ Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

ISAIAH 42:10 Referans Kwoze

SAM 33:3

Ama ah ng’äi thai m’cu vä, Tingtäng akni pi ah tum ne, yei ne m’lau vä.

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

SAM 40:3

Ng’äi thai kam cu vai ah ani naw na m’thei ci, mi Khanpughi m’taam nak ah ng’äi ah kyak ci. Shin hmuk ciah chang akda cu hmat law u ne kyikyawk neta, ngami cu Bawipa ung ng’ap khai gi nei.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

THU PHLAAN 14:3

Cun ah chang 144, 000 gui cu mangkiaang ni, khiküi paphli ni, aghaampa ni gui ah maa ah ng’düi u ne ng’äi ak thai cu m’cu ci gui. Hniciim chang avan ungka ngami bäng cu a ghü gui ah kyak sei cun ah ng’äi cu ngami bäng naw m’cu thei ci gui.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

ISAIAH 65:14

Ngami naw yei ne ng’äi m’cu khai gui, cun ung phi nangmi nami m’lung thüi sei nami kyap khai.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 51:5

Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ISAIAH 44:23

Zei ne m’lau vä, nangmi khankhaw gui! M’lau vä, khomdek ung ak thuk pi ah hmun gui! Sing ghing gui avan lah khom’htung gui m’lau vä! Bawipa naw a chang Israel gui a hun nak awn, a däm-duh nak cu dang sak ci nei.

SAM 150:6

Ak ghing om avan naw Bawipa cu m’tam vä! Haleluyah!

SAM 97:1

Bawipa cu ghangpughang nei! Khomdek cu yei sä! Tui ah koi khokawng gui phi yeikyai u sä!

SAM 96:11

Khomdek la khankhomik yeikyai vä! Tuinu gaai sä, a cun ung om ciah ak ghing avan yei u sä;

1 SHONTÄP NAK 16:32

Tuinu la acun ung om ciah a tüipyan nü viik ng’pyaang vä; kholo la acun ung om ci nü, yeikyai vä!

PHYAWN NAK 15:1

Moses la Israel gui naw shin ah ng’äi cu Bawipa am m’cu ci gui; Bawipa am ng’äi ka m’cu khai, a i ah kyasei ci ung ani naw bä ciah näng nak gah pyi ci. Ani naw ng’se gui la ng’se ng’cum ci gui cu tuinu ung shum gui ci.

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

SAM 65:5

Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 12:5

Bawipa am ng’äi m’cu vä, ani naw aküikyang gui bi pyi ci nei! Acun ah mawng cu khaw ah khan avan ung ng’yak sak vä.

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

ISAIAH 60:6

Dämduh ciah kala-uk ng’nawng gui cu, Midian la Ephah khaw ah ka lawk khai gui nei. Ngami cu Sheba khaw ah ka law u ne, ghui la tui ng’ui law püi khai gui nei. Bawipa naw bi abi ah mawng thu ni cu chang gui naw pyen khai gui nei!

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”