ISAIAH 42:1 - Cho Bible Common Language 2016

¹ Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

ISAIAH 42:1 Referans Kwoze

LUKA 3:22

Mumcha Theing cu mümbawk ah mäih ah yong law ne, ak khan ah ngo law khätah, “Nang cu ka ning m’hni aih ah ka ning Htapa nei” ciah khankho ah ng’thu k’aw cu thang lawk ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

PHILIPPIAN 2:7

Cun ah a kyak nak vaisü ung amät ah bämang nak cu a bü ah nawng shüt ne, changshäm cu nupuk nak ci. Ani cu chang ah mäih ah law ne, ak hnicim chang nak cu m’dang ci.

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

ISAIAH 41:8

“Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

EPHESIAN 1:4

Khanpughi naw khomdek kä a tüi pyan pha ge ung, mikmi cu Bawi Khrit ung kawng ät nak awn, a ma ah shetkat nak kä om sei theingcim ciah mi kyak vai ah a na ghü gui pyi ah kyak ci.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

ISAIAH 59:21

Nangmi awn thum khän ka bik khai: kei naw ka huham la ka m’theithang gui cu khonglän ung nami ka vai ah ka ning pe gui ci, tuhbäi ung tün ne lawk ciah a khin avan ung, nangmi naw kei cu nami na läk vai, kei na ngai khai gui ah nami htanau gui la nami hta ng’shon gui nami m’thei thang gui vai.”

1 PETER 2:6

Cacim theing naw, “Kei naw küikyang ciah k’toulung tumat cu ghü ne, Zion m’htung ah m’kiungtung ah Kang ling ci nei: Ani yum ciah chang phung cu Kyihkyawk nak kä om khai nei”, ciah pyein ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

LUKA 9:35

Cun yah ung khankho ah kaa k’aw cu, “Shin cu kei ah Htapa nei, ani cu ghü ne ka m’düih pyi nei, ani ah ng’thu nami ngaih vai nei” ciah thang lawk ci.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

ISAIAH 2:4

Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

JOHAN 16:32

Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

ISAIAH 32:16

Khaw avan apäng ung düngnak la taga nak cu bik khai gui.

LUKA 4:18

“Khanpughi ah Mumcha cu kei khan ah gawk law pyi ci, Geinvai ci gui-am Thu Ni m’thein gui vai ah Kei cu na ghü pyi ci, Thawng ung kium ci gui ah phiawn nak vai, A mik m’dauh ci gui ah m’dei ba nak vai la Shedam nak gah ci gui ah phiawn nak vai ah mawng shäu ne pyein vai ah kei cu ghü ne na tüi pyi ci

LUKA 4:19

Khanpughi naw akchang gui a hun nak gui ah khin a gawk law ah mawng ng’shäu ne pyein vai ah, Kei cu ana tüih law nei’ ciah cacim cu phat ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

ISAIAH 41:9

Kei naw khocawi ah ka, ka ning lawpüi gui ci; kei naw shou pikbäih ciah khokem ung ka, ning khü gui ne ka ning pyen nak gui cu, ‘Nangmi cu kei ah ning changshäm gui nei.’ Kei naw kä ka ning hnungtuk püi gui ci, ka ning ghü gui ci.

ISAIAH 42:2

Ani cu m’lau ne, ak’aw m’hlün ne kä ng’thu khai, lam gui ung ak’aw m’can ne m’lau ne ng’thu kä pyen khai.

HAKKAI 2:23

A cu hnüüp ung Zerubbabel, ka chang shäm, nang cu ning la ne, ka ming awn uktu ah ka ning m’tüih khai, nang cu ka ning ghü pyi ci nei” cine hlüngtai ciah Bawipa naw pyen ci.

SAM 72:4

Dukhaih ci gui cu ghangpughang naw hmai kiang ne m’taga gui sä; cawi gha ci gui cu m’hteinghtang gui sä, ngami shedam na gui cicu hnim gui sä.

SAM 89:4

Nangmi ah hta ng’shon cu ngawi yä ghangpughang ah kyak khai, “Nang ah hta ng’shon cu ngawi yä ka khän sak khai,” na cik ci.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”