ISAIAH 41:8 - Cho Bible Common Language 2016

⁸ “Cun ung phi, Nangmi, Israel ka changshäm gui, Nangmi cu ka ning ghü gui ah chang, ka teihpüi, Abraham ah htangshon ah nami kya ci.

ISAIAH 41:8 Referans Kwoze

JAMES 2:23

“Abraham cu Khanpughi yum ci, ayum nak awn ani cu, Khanpughi naw chang düng ah k’bääi ci,” ciah cacim lawk cicu akcang ah kiak ci. Cun ah kyasei Abraham cu Khanpughi ah teihpüi ah khü ci gui.

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

ISAIAH 44:21

Bawipa naw pyen ci, “Israel gui aw, shin cu shüm ba vä; shüm ba vä, nangmi cu ka ning changshäm gui nei. Ka ning changshäm gui vai ah ka ning tüishogui nei, api ah phi kä ka ning m’hnih gui khai nei.

ISAIAH 29:22

Cun ah kya sei, Bawipa, Israel Khanpughi, Khüikha nak ung ka Abraham gang ci naw a pyen cu, “Ka chang gui aw, nangmi cu kä nami ng’aa ca ba khai nei, nami hmai ung lüng’aa nak kä om ba khai nei.

SAM 33:12

Khanpughi, Bawipa nak ciah pakhui cu yeikyai nak om ci; Ak chang ah a ghü ah pakhui cu yeikyai nak om ci!

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

JEREMIAH 33:24

“Kei naw ka ghü ah Israel la Judah kyong khui goi cu, kei naw ka hnungtuk püi gui ciah chang gui naw ami pyen cu nah mu ng’ya man naw? Cun ah kyasei ngami naw ka chang gui cu a i ah kä sui une, changpakhui ah phi kä ngai law ka ci gui,

ISAIAH 48:12

Bawipa naw pyen ci, “Kei cu na ngai vä, ka chü ah chang Israel gui! Kei cu khanpughi, tün nak la khüm nak nei, kei bäng khanpughi nei!

MATTHE 3:9

Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

ISAIAH 49:3

Ani naw pyen nak cu, “Israel, nang cu ka ning changshäm nei; nang ah hmawk ah chang gui naw kei cu na m’tam khai gui.”

THULÄÄN NAK 10:15

Cun ung phi Bawipa naw nami pupa gui, am hni nak cu ghaat aih ci kya ne a hei chang gui ah hnün ung ani naw a ning ghü gui ah kyak ci. Nangmi cu tuh ä ani ah ghü ah chang ah nami kyak ci.

TAIGÜTHUM 25:42

Israel chang gui cu Bawipa ah changshäm ah kyak ci gui, ani naw Egypt khaw ah ka law püi ba gui ci; ngami cu changshäm ah kyak khai ah kä yoih gui vai.

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

SAM 136:22

Ani naw a changshäm Israel am ap gui ci; Ani ah m’hni nak cu ng’täi ci nei.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

ISAIAH 42:19

Kei ah changshäm ah ta amik mü tuba ci, a u om ne ang? Ka tüih law ah ng’shächang ah ta ak hnga pang tu ba ci, a u om ne ang?

ISAIAH 43:5

Kä nami kyih vai nei, ka ning om püi gui ci nei! “A shou pikbäih akiang täng lah ak hla pikbäih akhei täng ung ka, nami chang gui cu nami khaw ah ka law püi ba gui khai nei.

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

ISAIAH 45:4

Ka chang shäm Israel, kei naw ka ghü ah chang cu na m’htei htang khai ah, kei naw nang cu ka ning m’düih nei. Kei naw nang cu adämduh ah ka ning m’tamkhah nei. Cun pang ung phi nang naw kei cu kä na na hmat ci nei.

MALAKHI 1:2

Bawipa naw a chang gui am, “Kei naw angtäi sei ka ning m’hni gui ci nei” cik ci. Cun ung phi ngami naw, “Na na m’hni nak gui cu a i hawkcha ah na m’dang khai ang?” cik ci gui. Bawipa naw, “Esau la Jakob cu ng’phäi nau goi ah kyak ci, cun ung phi Jakob la a hta ng’shon cu kei naw ka m’hni ci.

SAM 136:21

Ani naw ami kho gui cu ak chang gui am ap gui ci; Ani ah m’hni nak cu ng’täi ci nei;