ISAIAH 41:5 - Cho Bible Common Language 2016

⁵ “Ashou nak khaw ah om ciah chang gui naw kei naw ka bi cu hmu pyi ci gui; Ngami cu kyi ne, ng’thüng ne ng’hlet ci gui. Cun ah kyasei ami van law ne ng’bum lawk ci gui.

ISAIAH 41:5 Referans Kwoze

SAM 67:7

Khanpughi naw hriham na pe gui ci nei, kho nü ung chang van naw ngak sä.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 65:8

M’dek khan ung om ciah chang gui naw küikyang ciah nabi phäh ah cäi ci gui nei. Nang ah na bilawh naw yeikyai nak cu, m’dek vang ungka naw vang ah khüt khai ah law püi ci.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 2:10

Egypt khaw nami hteh taak yah ung, nami ma ah Tuisen tuinu Bawipa naw a kawi sak cu kami ng’yak ci nei. Jordan ah a kiangtäng ung Amorit ghangpughang hnih Sihon la Ok nami ngawn goi cun phi kami ng’yak ci nei.

PHYAWN NAK 15:14

Chang pakhui gui naw ng’ya u ne kyi ne ng’hlet ci gui. Philistin gui cu kyikyawk aih ne cäi ng’ä ci gui.

ATÜNNAK 10:5

Ngami cu tui lawng pei ah ng’lei khan ung om ci gui ah kyak ci. Ngami cu Japheth ah htangshon gui, ami mät ah khaw hnga hnga ung ami pakhui phäh phäh ah om ci gui ah kyak ci. Ami mät ah phakhui phäh phäh ung ami ng’thu phi om phäh phäh ci.

ISAIAH 41:1

Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.

ISAIAH 41:6

Phisak ci gui tumat la tumat ng’bawm tu u ne, thagui ng’pe tuk ci gui.

EZEKIEL 26:18

Tuhbäi acun ah hnüüp a gawk law ung, Tuikoi khokawng gui cu ng’hlet ci gui, Ashinah dishum nak ah phäh ah ami chang gui cu cäicat ci gui.”

SAM 65:9

Nang naw na ng’dü khaw m’htei ne na m’dang nak cu; khaw na yuk aa sak ci, na bämang sak ci, m’dek na ni sak ci, tuihta na lon sak ci; khomdek phi geit awn na be sak ci. Shin cu nang ah bi lawh ah kyak ci.