ISAIAH 41:13 - Cho Bible Common Language 2016

¹³ Kei cu Bawipa, nami na khanpughi nei; kei naw k’thagui ning pe gui ne, ka pyen cu, ‘Kä nami kyihkyawk vai nei, ka ning m’htei gui khai nei.”

ISAIAH 41:13 Referans Kwoze

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 73:23

Cun ung phi kei cu nang ung angtäi sei ka ng’et ci, Nang naw na kut awn na na k’pang ci.

SAM 63:8

Kei cu nang ung ak htek ah ng’pang ngä sei, Na kut naw kei cu na k’phyawn ci.

SAM 109:31

a i ah kyasei ci ung, ani naw dukhaih ci gui cu shungvong gui ne, sihnak ah ami m’kyuk nak gui ungka hun gui ci.

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

ISAIAH 45:1

Bawipa naw sairus cu ghangpughang ah ghü ci. Bawipa naw ani cu pakhui gui näng khai ah m’düih ci; Ani naw ghangpughang gui ah huham cu khäm khai ah tüi ci; Bawipa naw ani ah hmawk ah mang gaw m’kawt gui cu hmawng khai. Bawipa naw Sairus a pyen nak cu,

ISAIAH 43:6

Ami hteh sak gu vai ah a siiptäng cu ka pyen nak khai, a htum täng am phi kä ami ma nak gui vai ah ka pyen na gui khai. Ka chang gui cu a shou nak ah khaw ung ka, khomdek khan khaw nü ung ka law bu u sä.

ISAIAH 51:18

Nang lam ning m’shüm khai a u kä om ci, Na chang gui ung na kut ning k’pang tuk khai a u kä om ci.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

PHYAWN NAK 20:20

Moses naw, “Kä kyi vä, Khanpughi a law cu ning m’nüm gui khai la ang thu nami ngaih vai ah ning pyang gui khai ah kyak ci, cun ung nangmi kä nami shekak khai” cik ci.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

JEREMIAH 46:27

“ka chang gui, kä kyi vä, Israel chang gui kä cäicat vä. Cän ah shou ciah khaw, thawng nami kium nak ah khaw ungka, kei naw ka ning gung gui khai nei. Nangmi cu im ah law ba ne ding gei sei nami om khai; nangmi cu ngaih gep ne nami om khai, a u naw kä ning kyihkyawk sak gui khai.

HAKKAI 2:5

Egypt ah kaa nami law ba yah ung angtäi ah ka ning om püi gui khai, cine shai ka tak ci. Tuhbäi phi ka ning om püi gui ci kä nami kyih vai.

SAM 118:7

Bawipa naw kei cu na m’htei ci, ka ga gui ami di cu kei naw ka hmuk khai.