ISAIAH 41:11 - Cho Bible Common Language 2016

¹¹ “Nangmi ning m’lungshe na gi ci cu, nat nak, lüng’aa nak gah khai. Nangmi hnung’tuk ne, ning tukpüi gui ci cu sik khai.

ISAIAH 41:11 Referans Kwoze

PHYAWN NAK 23:22

Nang naw ani ngai ne ka thumkhän phung na bi ung na gai gui avan ka tuthat gui khai.

ISAIAH 45:24

Ngami naw näng nak la thamah nak cu kei bäng ung hmuk ci gui ah pyen khai gui nei; Cun ung phi kei na gen ciah chang avan cu lü ng’aa nak awn yaica khai gui nei.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

LAMKTU 16:39

Cun ah kyasei ngah mi cu law u ne, Paul la Silas cu ng’ge püi ba goi u netah, thawng ungka k’plawk ba goi u ne, cun ah gawnu ungka naw ani hteh ba vai ah m’cäi goi ci gui.

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

PHYAWN NAK 11:8

Moses naw khüm nak ah ng’thu a pyen cu, ‘Na bawi gui ami van cu ka ma ah law ne kawp lawk khai gui, ka chang gui avan la ne ka hteh püi gui vai ah ngami naw na ng’paa law nak khai gui. Cun kawn ah kei cu ka hteit tuk khai” cik ci. Cun kawn ah Moses cu m’lungshe ne ghangpughang cu hteh tak ci.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

ISAIAH 29:8

Jerusalem tuk vai ah ng’bum ciah pakhui gui avan cu ei ei ne ng’mang na ne ta, ei cawi ne ng’shüm law ba ciak, cawi ciah chang ah mäih ah kyak khai gui, käcung tui gha ne sihlüne ng’zan neta, tui aw ne ng’mang na ne, a gawn ket sei ng’shüm law ba ciah chang ah mäih ah kyak khai.

ISAIAH 41:24

Nangmi la nami bi gui avan cu akholä nei; Nangmi ning khawihnah ci gui chang gui cu shemshai sak ci gui nei!

ISAIAH 40:17

Chang pakhui gui cu ani ah ma ah akholä ah kyak ci gui nei.

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.

ISAIAH 29:5

Jerusalem, nang ning tuk ci gui ah a khohei chang gui avan cu m’vut ah mäihah zong khai gui nei, kyih vai ah kyak ciah ami gakap gui cu htang gong chawng ah mäih ah zon gui khai nei. Ang ghitah, kä ngaih-tüh ah,

ISAIAH 29:7

Khanpughi ah sonkiang mang gaw tu ne khäm ciah pakhui gui ah gakap gui avan, ami limei gui avan awi kah ang nü-cu ng’mang ah mäih ah maih khai, mü ah a i baw ngaih-tüh ah mäih ah kyak khai.

ISAIAH 34:12

Khopäng uk khai ghangpughang kä om ci, ang vaihta gui ami van hteit yawp khai gui.

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

ISAIAH 54:15

Chang tumat mat naw a ning tuk law ah a kyak ung, kei ah yum nak awn kä kyak ciah a bi ah kyak ci; Ning hnungtuk pui ne ning tuk püi ci phung cu shung khai nei.

JEREMIAH 2:3

Israel gui, kei bäng naw nangmi ka ning ka na gui ci; Nangmi cu theingcim ciah kei ah ka ah nami kyak ci. Kei naw nangmi ning natsak gui ciah chang nü ah khan ah, yai ca nak la leigai ka tui lawk khai, Kei, Bawipa naw ka pyen ci.

PHYAWN NAK 12:29

Khaw cawih ding ah Bawipa naw Egypt khaw ah ami htahtük gui avan cu ngawn gui ci. Mang im ung ghangpughang ah hta ung tün ne, thawng im ung thawng kyum ah hta ung khüt ci la seime gui ah ami htahtük gui phi ngawn gui yawp ci.

ISAIAH 49:25

Bawipa naw m’shang ci, “Tuhbäi kya lawk ci gui cu a cun ah mäih ah kyak ci nei. Gakap ah chang pha gui cu lak pek vai nei, Mangmghämce ah guttep ah khawh cu guh pek vai nei. Nangmi ning tu gui ci phung cu kei naw ka tuk khai nei, Nami htanau gui cu ka gung khai nei.

JEREMIAH 12:17

Cun ung phi pakhui tumat nat naw kä a ngaih ah a kyak ung, kei naw angmüi ah ang yung ah laat ne ka m’di khai, kei Bawipa naw ka pyen nei.”