ISAIAH 40:9 - Cho Bible Common Language 2016

⁹ Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!

ISAIAH 40:9 Referans Kwoze

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

ISAIAH 25:9

Cun ah a kyak law hnüüp ung chang nü naw pyen khai, “Ani cu keimi ah khawpnghi nei! Ani keimi kami ngaih gep ci nei, ani naw na gung gui ci nei. Ani cu Bawipa nei! Ani ung keimi kami ngaih gep ci nei, tuhbäi keimi kami yeikyai lün lawi ci nei, a i ah kyasei ci ung ani naw keimi nah un gui pyi ci nei.

EPHESIAN 6:19

Kei thu ka pyein yah ung Khanpughi naw thu m’gawng thei nak ana peit vai ah nami na taigü peit vai nei. Cun ung kei naw Thu Ni ah a thuuk nak ah mawng cu dang ne ng’hmat khai ah ka pyein thei khai nei.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

JEREMIAH 22:20

Jerusalem chang gui, Lebanon ah hteit ne m’lau vä, Bashan khaw ah hteit ne kyap vä; Moab m’htung ung ka naw ng’khü vä, a i ah kyasei ci ung nami khawt püi gui avan cu hnim gui ci gui nei.

ISAIAH 58:4

Ei nami hlawi naw ning kiawipang sak gui ci, nangmi ng’vaw u ne, nami ng’tuk ci. Shinah mäih ah ei nami hlawi nak naw, nangmi ah taigü ka nng ngaih pe gui khai ah, na ci hning khai ah nami ngai ne ma?

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

ISAIAH 41:27

Zion am m’thein htük cicu kei, Bawipa ah kyak ci nei; kei naw Jerusalem ah ng’shä tüi ne ka pyen sak cu, ‘Na chang gui lawk ci gui nei! Ngami cu ami im ah law ba ci gui nei!

2 SHONTÄP NAK 13:4

Gakap gui cu Ephraim khawgui ung ng’hmuk ci gui. Ghangpughang Abijah cu Zemariah m’htung ah hang kai neta, Jeroboam la Israel chang gui cu khü gui ci, ani naw, na ngai vä! cik ci.

SUKI GUI 9:7

Cun ah a mawng cu Jotham naw ng’ya neta, Kerizim m’htung lai ah hteit ne ng’düi ne, m’lau ne a pyen nak gui cu, “Na ngai vä, Shekhem chang gui aw, cun ung Khanpughi naw ning ngai gui khai nei!

ISAIAH 1:1

Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

ISAIAH 52:6

Akhin a gawk law ung, kei khanpughi ah ka kyak la kei naw ka ning thu gui cu, nangmi naw nami ng’kiaa khai nei.”