ISAIAH 40:5 - Cho Bible Common Language 2016

⁵ Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

ISAIAH 40:5 Referans Kwoze

HABAKKUK 2:14

Cun ung phi tuinu ung tui abe ah mäih ah khomdek cu Bawipa ah bämang nak ah hmuhmat nak awn be khai.

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

LUKA 3:6

Hnicim chang avan naw Khanpughi ah hun nak cu hmuk khai nei” ciah kyak ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

ISAIAH 11:9

Zion ah khan, khanpughi ah m’htung theing ung, nat nak la akshe a i pi kä om khai. Tuinu cu tui awn abe ah mäih ah khaw cu Bawipa ah hmuh hmat nak awn be khai.

ISAIAH 58:14

Kei ah bi nami bi nak ung ka gawk lawk ciah yeikyai nak cu nami hmuk khai. Khaw avan ung chang ah m’tam khah vai ah ka ning pyang gui khai. Kei naw nami a Jakob am ka pek ah khaw ung nangmi cu nami yeikyai khai. Kei, Bawipa naw ka pyen nei.”

ISAIAH 6:3

Ngami tumat la tumat ng’khü tu u ne: “Atheing, atheing, atheing! M’gäi ciah Bawipa cu atheing? Ani ah bäingang hak naw khomdek be sak ci nei.”

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

ISAIAH 66:23

Cha thai pawi püng la kyih nak hnüüp päng ung, pakhui päng ung ka chang gui cu shinung Jerusalem ah law ne, na khawihnah lawk khai gui,” cine Bawipa naw pyen ci!

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

JOHAN 12:41

Isaiah cu Bawipa Jesuh ah bämang nak hmuh pyi ciah kya ne, ani ah mawng cu shin ah apyein ah kyak ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

ZEKHARIAH 2:13

Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

SAM 102:16

Bawipa naw Zion mang gaw a cawh ba ung, a dämduh nak cu ng’leet ba sak khai nei.

SAM 96:6

Bäimang nak la hlüngtai nak naw ani cu k’oi ci; huham la kyom nak naw a Pum im cu k’be ci.

LUKA 2:32

Na ng’yak hlü dang sak ciah akdei cu chang hei gui ah hmawk ah ak khang vai la; na chang gui Israel chang gui ah bämang nak a gawk law ah hmawk ah kyak ci” cik ci.

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

ISAIAH 66:16

Ani naw cheishoh u sei a hmuh ah khomdek khon chang avan cu mei la khim awn m’kyuk gui khai-chang akdaa cu ski khai gui.

PHYAWN NAK 16:7

Khaw ngawi hta ung pying ne ng’shü ciah Bawipa ah akdei cu nami hmuk khai nei. Ani hnungtuk püi ne ng’thu nami m’da cu ani naw ng’yak ci nei ä, nami hnungtuk püi ci, a i ah kyasei ci ung, keimi cu ani ah m’shüm thein nak kami phui ciah kami kyak ci” cik ci.

SAM 97:6

Khankho gui naw ang düng nak cu ng’shäu ci gui, changpakhui avan naw abäimang nak cu hmuk ci gui.

ISAIAH 34:16

Aghing gui ah mawng guk ah Bawipa ah ca uk cu teng vä, aun ah ai a ciah phat vä. Shin ah a tüisho gui ung ka, tumat phi kä maih düt khai, tumat phi apaw kä om ciah kä om khai. A cun ah a kyak vai ah Bawipa naw thumkhän ci nei; ani amät naw atäng ah law püi gui khai nei.

ISAIAH 40:4

Ng’nawi päng k’be vä; m’htung päng m’hnep vä. Khumhtung gui cu khodou ah kyak khai nei.

ISAIAH 41:20

Kei, Bawipa naw, cun ah ka bi cu, chang gui naw hmuk khai gui, hmat khai gui. Israel gui ah theingcim ciah khanpughi naw shin ah kya lawk khai ah apian cu ngami naw hmat lawk khai gui. Khanpughi ah Ng’shei ci gui cu Bawipa naw ng’längna püi gui ci.

1 GHANGPUGHANG GUI 14:11

Na kyong chang gui ung ka mang gaw kyong ah sik cicu ui gui naw ei khai gui, khaw ng’piä ung sik ci gui cu langta gui naw ei khai gui. Kei, Bawipa naw ka pyen nei.”

SAM 102:17

Ami nawng ah ak chang gui cu ngai gui ne, ami taigü cu ngaih pe gui khai.

ISAIAH 26:15

Bawipa, nang naw kami pakhui cu na ng’ghaw sak ci nei, van ah khawpäng cu akit päng ung na ng’shawng sak ci nei, acun cu nang ning m’tam nak vai ah kyak ci nei.

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,