ISAIAH 40:4 - Cho Bible Common Language 2016

⁴ Ng’nawi päng k’be vä; m’htung päng m’hnep vä. Khumhtung gui cu khodou ah kyak khai nei.

ISAIAH 40:4 Referans Kwoze

LUKA 3:5

Kho kawk kho ng’nawi k’be yawp vai, Kho gui khomhtung ng’tei yawp khai. Lam ng’khep lam ng’koi ng’düng yawp khai, Lam m’gho lam k’ghat k’sei pyan vai.

EZEKIEL 21:26

Kei, uktu Bawipa naw ka pyen ci. Na mang lukhu la na lupawng cu suut ä. A i phi yän ä kaa ah mäih ah kä kya ba khai. Dukhaih ci gui cu huham pek gui vai, uktu gui cu yuk chak gui vai!

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

ISAIAH 45:2

“Kei ka mät naw nang ah lam cu ka pyang khai, khogui khomhtung gui ka ng’mi sak khai. Kei naw kyei m’kawt gui cu ka tu hnget yawp khai. M’si ng’lawng gui cu ka cheiuh hnget khai.

EZEKIEL 17:24

Shin ah khaw ung shing ghing avan naw kei cu Bawipa ah na hmat khai gui. Kei naw sing ghing ng’gho gui cu chu ne, aläm gui cu ka ng’ghaw ba sak khai. Kei naw ng’kying ciah sing gui cu ng’yai sak ne, Chawng ciah sing gui cu ka ng’kying ba sak khai. Kei, Bawipa naw ka pyen nei, kei naw ka bi vai ah ka pyen cu ka bik khai nei.”

1 SAMUEL 2:8

Ani naw dukhaih ci gui cu m’vut ung ka yu chang gui ci, cawi gha ci gui cu geinvai nak ung ka han m’tam gui ci. Ani naw mang hta ng’piang ah teihpüi ah pyang gui ne, küikyang ciah bawi mang nak m’hnawn gui ci. Khomdek ah ang düih nak cu Bawipa naw khäm ci; Cun ah khan ah ani naw khaw ng’lei han k’süm ci.

ISAIAH 42:11

Khaw ng’gau khaw la cun ung om ciah gawnu gui khanpughi cu m’tam vä; kedar chang gui ani cu m’tam vä! Sela mang gaw ung om ciah chang gui m’htung lai gui ung ng’düi ne, yei ne m’lau vä!

NG'THU K'THUUK~ 2:15

Kä chang man, yum nak kä om hlawt ciah chang gui ah kyak ci.

ISAIAH 40:3

M’lau ciah k’aw tumat naw, “Bawipa ah hmawk ah mi khanpughi ah hmawk ah khonggau lam cu k’sei m’ghan vä!

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

ISAIAH 49:11

Kei naw khogui kan ne lam cawh ka k’päng khai, ka chang gui ah hteh nak vai lam ka pyang khai,

ZEKHARIAH 4:7

Khomhtung teih ah däm ciah tüihtok nak gui cu nang ah ma ah maih yawp khai. Nang naw Taigüim cu na co ba khai. Nang naw ak hnukbäih ah lung cu a hmun ung na ng’lin yah ung, chang gui m’lau u ne, ‘Kiom ci nei! Kiom ci nei!’ ” cik khai gui.

ISAIAH 62:10

Jerusalem chang gui, mang gaw ah k’pung ah hteit u ne, law ba khai gui ah nami chang gui ah phäh ah lam co ne pyang vä! Lam k’cawh nu pyang vä; lung gui nawt heng vä! M’hnüt nak ah alan cu hleek vä, cun ung chang pakhui gui naw hmat khai gui,