ISAIAH 40:12 - Cho Bible Common Language 2016

¹² Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

ISAIAH 40:12 Referans Kwoze

NG'THU K'THUUK~ 30:4

Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

ISAIAH 48:13

Ka kut awn khomdek ah angnei gui cu pyan ne, khan kho cu ka ng’phiah sak ci. Kei naw khomdek la khan kho cu ka k’thäh ung ngami ang ghit ah law ne, ami mät naw ami mät m’dang lawk ci gui nei.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

JOB 28:25

Khanpughi naw khokhi ung a huham pek ci, Tuinu ung ayun bei pek ci.

JEREMIAH 31:37

Hnüüp ät ung khan khomik cu nüt dawng hning ne khomdek ah ang’nei cu ami hmuh kawn ah bawtah, ngami naw katnak ami bi avan ah phäh ah ani naw Israel chang gui cu maa na gui khai. Bawipa naw pyen püi ci nei.

AMOS 4:13

Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.