ISAIAH 40:11 - Cho Bible Common Language 2016

¹¹ Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

ISAIAH 40:11 Referans Kwoze

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

EZEKIEL 34:31

“Nangmi ka htome gui, ka m’bei ah htome bum gui cu kei ah ka chang gui nei, kei cu nami Khanpughi nei” uktu Bawipa naw pyen ci.

1 PETER 5:4

Ang vaipi säih Htome uk ciah Bawipa ang dang law ung, angtäi ah pyü ne ng’shü ciah abämang nak ah ghui lukhu cu nami gah khai nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

ZEKHARIAH 11:7

Htome gui hleih ci la yoi ci naw, kei cu na ng’vat sei, kei cu ami ngawn gui vai ah htome gui shäm ciah ka kya lawk ci. Kei naw ng’shopawng hnih ka lak ci: tumat cu “M’htei nak” ah sui ne, tumat cu “Kawng ät nak” ah ka sui ci. Kei naw htome gui cu ka m’htei ci.

EZEKIEL 37:24

Ka changshäm David ghangpughang ah mäih cu ghangpughang nak khai gui. Ngami cu uktu tumat ah ka ah om u ne, kei ah thukhän gui cu bekhüt ne läk khai gui.

ATÜNNAK 33:13

Jakob naw, “Na hmat ah mäih ah a hmaw gui cu cümbawng ci gui. Seime gui la ami hta gui phi züt ci gui. Hnüüp ät ge awn gawk vai ah hteh ah khoi ung ngami cu si yawp khai gui nei.

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

ATÜNNAK 49:24

Cun ung phi ali cu m’htung ge ci. Akut phi khüi ghat ci. Jakob ah m’gäi ciah Khanpughi ah huham awn la Israel ngäng ciah Htome shäm awn ah kyak ci.

ISAIAH 63:11

Cunung phi ngami naw azän nä ka, Bawipa ah changshäm, Moses ah akhin cu shüm law ba neta, ngami naw ng’shik ci gui, “Tuinu ung ka, a chang gui ah ami ng’vai gui hun gui ciah Bawipa cu tuhbäi a hawi ang? A mümcha Moses

ISAIAH 42:3

Ani naw ng’koi ciah m’long gong kä cheiuh khai, phät hlem hlem ciah meidäi kä k’phät khai. Ani naw chang van ah khan ah taga khai ah uk khai.

SAM 27:10

Ka nu la ka pa naw ani na nawng ung phi, Bawipa naw nam htei khai nei.

SAM 28:9

Bawipa, na chang gui cu hun gui ä, na chang gui cu hrilham pe gui ä. Ngami ah htoshäm ah kya ne, angtäi sei m’hteihtang gui ä.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

SAM 100:3

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

JEREMIAH 31:8

Kei naw ngami cu a siiptäng ah ka ka law püi ba gui khai, khomdek ah akcawi ah kaa ka k’bum ba gui khai. Amik m’dauh gui la akshum gui phi ngami awn atäng ah law ba khai gui, käumah ciah hnumi gui phi ngami awn a täng ah law ba khai gui, Ngami cu dämduh ciah pakhui ah kya ne law ba khai gui.

JEREMIAH 31:10

Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

EZEKIEL 34:2

Ani naw pyen ci, “Hnicim chang, Israel gui ah uktu gui cu m’shukcha gui ä. Ngami ah khan ah ng’cängbang ne, kei, uktu Bawipa naw ngami ka pyen nak gui cu m’thein gui ä. Israel gui ah htomeshäm gui, nangmi nami ng’ziin ci nei! Nangmi nami mät naw nami mä m’htei htang u ne htome gui kä nami tengkhen ci.

MIKHAH 7:14

Bawipa, na ghü ah na chang gui cu, htoshäm ah mäih ah m’htei ba gui ä. Ngami cu bung puk ah om pang u sei phi, khaw ng’lei ni naw koi gui ci nei. Acau ka ah mäih ah ei ada nak ah Bashan la Kilead khaw ung hteh püi gui ne tu m’bei gui ä.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

EZEKIEL 34:15

Kei ka mät cu ka htome gui ah htome shäm ah ka kyak khai, kei naw ami ng’düm nak vai ah hmun ka shui pe gui khai. Kei, uktu Bawipa naw ka pyen nei.