ISAIAH 4:2 - Cho Bible Common Language 2016

² Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

ISAIAH 4:2 Referans Kwoze

ZEKHARIAH 6:12

M’gäi ciah Bawipa ah ng’thu na m’thein vai cu, Ang ban ah ami khü ah chang cu, acun ung om ci khäng ne, Bawipa ah pum im cu co ba ci nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

ZEKHARIAH 3:8

Joshua aw, ngai ä, nang cu taigütung ah na kyak ci; ani ah ak taigü paw gui phi ngai vä, nangmi cu ngawi ah akni law vai nami m’dang ciah nami kyak ci. Kei naw ka changshäm ka ng’dang sak khai, ani cu angban ah khü ah kyak ci!

ISAIAH 27:6

Lawk ciah hnüüp gui ung, Jakob ah hta ng’shon, Israel chang gui cu sing ah mäih ah ng’yung pya u ne, khomdek cu küm khai nei.

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

OBADIAH 1:17

“Cun ung phi Zion m’htung ah am shah gui phyawng khai gui, cun cu theingcim ciah hmun ah kyak khai. Jakob ah chang gui naw ami gah vai ah khaw cu khäm khai gui.

JEREMIAH 44:14

Judah chang gui Egypt ah hteit ne om khai ah lawk ci phung cu a u kä k’pawih khai, kä phyawng khain. Chang tumat phi ami om nak ba vai ah Judah khaw ah kä law ba khai. Geinvai ci gui api ah kawn ah a u phi kä law ba khai” cik ci.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

ISAIAH 53:2

Kho lei chawng ung khäng sei ng’yung ne, tho ciah sing ghing ah mäih ah a changshäm a kyak vai cu Bawipa naw ng’ya hlük ci nei. Kiom nak a i phi kä om ci. Ani ung na khäihleng ci phi a i kä om ci, m’hni hlü vai phi a i kä om ci.

SAM 72:16

Kho do kho hmun ung htang-m’guh be sä; khogui khomhtung cu Lebanon ah mäih ah theih ciah sing awn be sä. Lolai ma ah khu m’ghaw abe ah mäih ah mang gaw gui cu chang awn be sä.

2 PETER 1:16

Bämang nak awn Bawipa Jesuh Khrit a kyum law ba vai ah mawng ning m’thein gui cu, kami mät ah ngaih-tüh ah kami pyein ah pumah awi ah kä kyak ci. Keimi cu ani ah hlüngtai nak kami mik awn kami hmuk ciah chang ah kami kyak ci.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

ZEKHARIAH 9:17

Cun ah khaw cu a i hlawk ah ni ne kyom khai aw! Chang nong gui cu cun ah khaw ungka htang m’guh la sapyit tui awn däm ng’ghaw khai gui.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

EZEKIEL 7:16

Am shah gui cu khongnawi ungka kyi ne zong ciah mümkha gui ah mäih ah khomhtung tang ah dawng ne phyawng ci gui, Ngami ami van cu ami katnak ah phäh ah thüi sei khai gui.

JEREMIAH 44:28

Cun ung phi nangmi ungka chang api cu sih nak ungka laut ne Egypt ah ka Judah ah nami law ba khai. Cun kawn ah k’pawih ba ci gui naw kei ah ng’thu ang, ahei ah ng’thu ang abä ah hmat khai gui.

ISAIAH 45:8

Kei naw näng nak cu khomik ung ka, kho k’aa ah mäih ah ka yuk chah khai; khomdek naw ng’hmawng ne a cun cu dou sei, pängze nak la taga nak ah vuipai khai. Kei, Bawipa naw shin ah kyak ah ka bik khai.”

ISAIAH 30:23

A i sang ung phi m’shi nami phu ah a kyak ung, ang lih ngon nak vai ah Bawipa naw kho aa sak khai, akda ah ning khäm sak gui khai, nami vuhchah gui ah phäh ah khulim khaw akda om khai.

ISAIAH 11:4

Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.

SAM 67:6

Khomdek cu m’theih tak ci, Khanpughi, mi Khanpughi naw hriham na pek gui ci.

PHYAWN NAK 28:2

Na phäi Aaron ah phäh ah taigü khingyih cu na pyan pek vai. Cun cu a huham mah nak vai la a kyom nak vai ah kyak ci.

ISAIAH 26:1

Judah khaw ung chang gui naw shin ah ng’äi ami m’cu nak vai ah hnüüp gawk lawk ci nei: Kami mang gaw cu khäng htek ci nei! Khanpughi amät naw cun ah pang cu shungvong ci nei!

ISAIAH 60:15

Nang cu nawng ne ami thüi nak, chang ah kä om nak, shiu ciah mang gaw ah kä na kya ba khai. Kei naw nang cu dämduh ne kyom khai ah ka ning pyang khai, khonglän ung yeikyai nak ah hmun ah na kyak khai.

ISAIAH 61:11

Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

EZEKIEL 34:29

Kei naw ngami am anglei nik ciah lolai cu pe gui ne, khaw ung ei cawi nak cu ka ng’pyi sak khai. Ahei changpakhui gui naw ngami cu kä m’lepse na ba gui khai.

EZEKIEL 36:8

Cun ung phi Israel khomhtung gui ah khan ah, ka chang gui Israel gui, nangmi ah phäh ah sing ghing gui cu a hnah lim ne m’theih khai gui nei. Nangmi nami im ah nami law ba ge khai nei.

MALAKHI 3:17

Hlüngtai ciah Bawipa naw, “Ngami cu ka chang ah kyak khai gui, kei ka hnün thawh law hnüüp ung ngami cu, ka chang akcang ah kyak khai gui. Amät m’thei ciah a hta ah khan ah apa naw a chimgein ah mäih ah ngami cu ka chimgein gui khai.