ISAIAH 4:1 - Cho Bible Common Language 2016

¹ Cun ah khin a gawk law ung, hnumi chik naw pami tumat cu, ang ghitah pha ne k’pang u neta, “Keimi kami mät kami sui ei hning ci nei, cun ung phi nang cu kami ning cei ah na pyen sak gui ä, cun ung keimi ung kä ceimah ne lü ng’aa nak kä om khai nei.”

ISAIAH 4:1 Referans Kwoze

ATÜNNAK 30:23

Ani cu kämah ne pami hta ah hta ci. Ani naw, “Khanpughi naw htapa na pe ne, ka lü ng’aa nak cu na näng pek ci nei.

ISAIAH 2:17

Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

ISAIAH 13:12

K’pawih ci gui cu ghui ah ta ng’geing pi khai gui.

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

LUKA 1:25

Eliyabeth naw, “Khanpughi naw kei cu nam gein pyi ci, Chang ah ma ah lü ng’aa nak ungka nak phiawn pyi ci” cik ci.

2 THESSALONIAN 3:12

Cun ah mäih ah chang gui cu, akni ah om u ne, ami mät ah hnun m’ghin nak vai ami mät naw ami bilawh vai ah, Bawipa Jesuh Khrit ah ang ming awn kami m’cäi gui ci nei.

ISAIAH 17:7

Cun ah hnüüp a gar klaw ung chang gui cu tüisho gui ci naw am htei gui vai ah ng’hlat law ba khai gui. Israel gui ah theingcim ciah khanpughi.

ISAIAH 10:20

K’pawih ba ciah Israel chang gui naw, ngami m’di gui ciah chang pakhui gui kä ami yii hnei nak ba vai ah a khin gawk law ci nei. Bawipa, Israel gui ah theingciim ciah Khanpughi cu akcang ah yum ne ngaih u khai gui nei.

1 SAMUEL 1:6

Peninnah, ani ng’längna püi ci naw, cümbawng sak ne, lü ng’a sak ci, a i ah kyasei ci ung Bawipa naw ani cu kä ah hta sak ah phäh ah kyak ci.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

ISAIAH 3:6

Pahta gui naw ami mät ungka, chang tumat ghü u neta, ani pyen nak khai gui, “Nang ung na sui vai om ba hta ci, shin ah khüikha nak ah khin ung, nang cu kami ng’vai ah na kyak khai nei” ci nak ah a khin gawk lawk khai.

ISAIAH 54:4

Kä na kyih vai, nang cu kä na lü ng’aa ba khai; a u naw kä ning yuk chah ba khai. Na hmaw sang ung kä bekhüt ciah chu ah na kyak nak la hmeinu ah kya ne, a i ah kä kya thei ne na om nak gui cu na m’hnih khai nei.

JEREMIAH 15:8

Tuinu ah kem ah laigin ah ta nami khaw ung hmei nu cu da law pi khai. Kei naw nami chang nong gui cu ami hnüüp lung ung ngawn gui ne, ami nu gui cu ka yaica sak gui khai. Kei naw ngami cu ang ghit ah kyihkyawk sak gui ne ka cäicat sak gui khai.

2 SAMUEL 6:23

Michala, Saul ah hta hnumi ung ak hmaw kä om ling ci.