ISAIAH 39:6 - Cho Bible Common Language 2016

⁶ Bawipa naw pyen ci, Mang im kyong ung ka apäng avam, tuh ngawi ung khüt sei nami pupa gui naw ami m’küm apäng avan, gui cu Babilonia ah hteh püi yawp khai gui. A i kä k’pawih khai.

ISAIAH 39:6 Referans Kwoze

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

JEREMIAH 20:5

Shin ah mang gaw ah khawh gui avan, ami büh mang khaw mah avan la Judah ghangpughang ah m’küm khawh gui avan cu kei naw ami ga gui am gutep sak gui ne apäng nü cu Babilonia ah ami hteh püi vai ah ka cik khai.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

2 SHONTÄP NAK 36:18

Babilonia ghangpughang naw Taigüim, Taigüim ung khawhcham, ghangpughang la a yungbawi gui ah khawhcham gui cu gut gui neta a päng cu Babilon ah hteh püi ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

EZEKIEL 23:26

Ngami naw nami sui gui k’teek u ne, nami pyülung gui lak khai gui.

DANIEL 1:3

Ghangpughang naw a bawi angvai pi Ashpenaz am k’bäi ne a pyen nak cu, Israel omktu gui ah ng’lung ungka, bawi gui ah kyong khui gui ungka chang nong gui la mang ah kyong khui ungka gui, a ghü gui vai ah kyak ci.