ISAIAH 39:2 - Cho Bible Common Language 2016

² Hezekiah naw ng’shächang gui cu don gui neta, ang bühmang nak cu m’hnuh gui ci-ngui gui, ghui gui, tui ng’ui la situi gui k’htei gui, avan ah kyak ci. A m’küm kyong ung, a uk nak khaw avan ung, kä am hnuh gui a i kä om ci.

ISAIAH 39:2 Referans Kwoze

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

2 SHONTÄP NAK 32:25

Cun ung phi Hezekiah cu chang ah ng’shei aih ne, Bawipa naw ani ah khan ah abi ah bä nak cu kä m’dan hlük ci, acun ah phäh ah Judah la Jerusalem cu yaica ci gui.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

JOB 31:25

Käcung ka bühmang nak awn kä ka khähghah ci.

2 KORIN 12:7

Kei naw ka hmuh ah cäicat vai mawng ung kei cu kä ami nam hlüngtai en vai ah, kei cu ka pumsa awn geinvai nak ka aut ci nei. Cun ah geinvai nak naw, Satan ah ng’shä tüih ah mäih ah, kei cu na hnem ne, kam ghä m’ce nak cu na k’cheih pek ci nei.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

2 SHONTÄP NAK 32:27

Ghangpughang Hezekiah cu anghtei ah bühmang law sei, chang nü naw m’tamkhah ci gui. Ani naw ghui ni, ngui ni, pyülung gui ni, tui ng’ui gui ni, shawi gui la a hei aphuu tan gui gim nak vai ah khei gui co ci.

2 SHONTÄP NAK 9:9

Ani naw ghangpughang Solomon am a law püi ah m’cümhnah nak gui ci pek ci: ghui phia phlikip kilogram ah däm ci, ang ui gui la, pyülung gui avan ah kyak ci. Sheba ghangpughangnu naw Solomon ghangpughang am a pek law ah ang ui kawn ah acun hlawk ah nik ci a hei kä om ba ci.

2 SHONTÄP NAK 9:1

Sheba ghangpughangnu naw Ghangpughang Solomon ah mingthang cu ng’ya neta ani m’nüm khai ah ng’shi nak akhet gui law püi ne, Jerusalem ah lawk ci. Ani naw a chang gui akda khah püi ne kalauk gui akda awn tui ng’ui gui, pyülung gui la, ghui akda law püi ci. Ani cu Solomon awn ng’hmu law ni neta ani naw ang ngaih avan cu ng’shik ci.

2 GHANGPUGHANG GUI 20:13

Hezekiah naw ng’shä gui cu dou gui neta a khawh gui cu m’hnuh gui ci — a ngui ghui gui, tui ng’ui gui, situi ng’ui gui la likhim gui avan ah kyak ci. Ani naw kä a m’hnuh gui, akhei gui la a uknak khaw avan ung a i kä om ci.

1 GHANGPUGHANG GUI 10:25

Lawk ciah chang phung naw m’cümhnah nak law püi ci gui — ngui ni ghui ni, suinu gui, likhim gui, tui ng’ui gui, ng’se la, laa gui pe lawk ci gui. Akum tä sei acun ah pe lawk ci gui.

1 GHANGPUGHANG GUI 10:15

Cun kawn ah Sumlei chang gui ah peit ah k’phlam gui, ami sumlei nak ung taang lawk ci gui, Arabian ghangpughang gui naw ami pek law gui, Israel khopäng gui ung uktu gui ah pek law gui cu gah ci.

1 GHANGPUGHANG GUI 10:10

Ani naw a law püi ah m’cümhnah nak cu Ghangpughang Solomon am pek ci; phia phli kilokram ah däm ciah ghui la tui ng’ui la pyülung akda ah kyak ci. Cun ah hnumi ah pek ah tui ng’ui cu ani naw a gah man ni ciah dämduh pikbäih ci.

1 GHANGPUGHANG GUI 10:2

Ani naw chang akda khah püi ne, ghui akda, pyülung gui la tui ng’ui gui akda ami phuih sak ah, kala-uk gui law püi ci.

1 JOHAN 1:8

Kei ung shetkat nak kä om ci mi ciah kyak ung, mi mät naw mi mät mi m’hleei ciah kyak ci, mikmi ung düng nak la cang nak cu kä om ci.