ISAIAH 39:1 - Cho Bible Common Language 2016

¹ A cun ah khin ung Babilonia ghangpughang, Baladan ah hta Metudach Baladan naw Ghangpughang Hezekiah a gaw cu ng’ya neta, cala letsawng cu m’khäh ci.

ISAIAH 39:1 Referans Kwoze

ISAIAH 23:13

(Tire gawnu khisa gui naw ami lum nak vaiah ci kci cu Assirian gui ah kä kyak ci, Babilonian gui nei. Khoainaktänghän co u ne, Tire mang gaw pang gui phye ne, mang gaw m’di ne hteh tak ci gui cu Babilonian gui nei.)

ISAIAH 14:4

Cun ah ani naw abi law ung, ngami naw Babilonia ghang pughang cu m’kpse une ami pyen cu: “A i ghämce ciah ghangpughang cu kyu ng’tääk pyi ci nei! Ani naw a u kä shedam na ba khai nei!

ISAIAH 13:19

Babilonia cu khaw avan ung akiom pikbäih ah uknak khaw ah kiak; a cun ung chang gui awn ani cu khäghah ci. Cun ung phi kei, Bawipa naw Sodom la komorrah ah khan ah ka bi ah mäih ah Babilon cu ka m’di khai!

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

2 SHONTÄP NAK 32:23

Chang akda cu Jerusalem ah law u ne, Bawipa am douthak vai la Hezekiah am m’cümhnak vai law püi ci gui, cun ung tün ne chang pakhui avan naw Hezekiah cu m’tamkhah lawk ci gui.

2 SAMUEL 10:2

Ghangpughang David naw, “Kei naw bekhüt ne khawt nak cu Hanun ung ka bi khai, cun cu apa Nahash naw kei ung abi ah mäih ah kyak ci” cik ci. Cun ah kyasei ani naw chang tüi ne, ak büi nak cu pyen ci. Ngami cu Ammon ah gawk law u khäta,

2 SAMUEL 8:10

Cun ah kyasei ani naw a hta Joram cu Ghangpughang David yavaih khai ah tüi law ne, Hadadezer ah khan ah ang näng ah phäh ah yeikyai nak pyen lawk ci. Hadadezer cu Toi awn akda vei ng’tu man ci goi ah kyak ci. Joram naw David am ghui ni, ngui ni, kyei ni awn pyan ah m’cümhnah gui pe lawk ci.

2 SHONTÄP NAK 32:25

Cun ung phi Hezekiah cu chang ah ng’shei aih ne, Bawipa naw ani ah khan ah abi ah bä nak cu kä m’dan hlük ci, acun ah phäh ah Judah la Jerusalem cu yaica ci gui.