ISAIAH 38:5 - Cho Bible Common Language 2016

⁵ hteit ne hezckiah au na m’thein vai cn, “Kei, Bawipa, nanpupa David ah khanpughi naw na k’taigü cu ng’ya ne, na ng’phlutui cu ka hmuk ci nei. Kei naw län ne kum gha lei hma ka ning ghin ba sak khai nei.

ISAIAH 38:5 Referans Kwoze

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

SAM 56:8

A i hlawk ah ka khüikha cu nang naw na hmat ci; ka ng’phli tui cu gi na ne, na gim ci. Ngami naw na na uk ung kä m’hnüt tu u ne ang?

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

SAM 116:15

A chang tumat a sih cu Bawipa ah hmawk ah m’neh aih vai ah kyak ci nei!

2 KORIN 7:6

Zaica ng’ä ng’ai ci, k’thamah sak ciah Khanpughi naw, keimi ah gawk lawk ciah Titus awn k’thagui na pe ba gui ci.

2 GHANGPUGHANG GUI 19:20

Isaiah naw ghangpughang Hezekiah am ng’thu a pyen nak ghangpughang ah taigü nak ung gawk lawk ci cu,

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

2 GHANGPUGHANG GUI 18:2

ani cu akum, kum m’ku lei hma lawk ci, ani naw Jerusalem ung kum m’ku lei kaw uk ci. Ani ah nu cu Zechariah ah hta Abijah ah kyak ci.

1 GHANGPUGHANG GUI 8:25

Tuhbäi, Israel Bawipa Khanpughi, kei ka taigü ci, nang naw kapa ung na bi ah a hei shaitak cun phi nak pang khai, nang naw na pyen nak yah ung, ngami naw ani ah mäih ah geing na ne nang thu ami ngaih ah a kyak ung, ani ah hta ng’shon ungka tumat mat naw Israel ghangpughang ah kya ne akphlüt ah uk khai.

LAMKTU 27:24

“Paul kä na kyih vai, Nang cu ghangpughang ah ma ah na gawk khai. Khanpughi naw nang cu a ning m’hni nak awn, a täng ah htinpaw ng’cum tuk ci gui ah chang gui cu sih nak ungka k’phiawn gui khai nei” cine pyein ci.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

JOB 14:5

Chang cu a i güt ghing khai, cha i chü ghing khai cicu m’hnüt bäi pyi ah kyak ci. Cun cu nang naw na m’hnüt pyi ah kya sei käng’thawng hlawt ci nei.

2 GHANGPUGHANG GUI 18:13

Ghangpughang Hezekiah ah uknak a kum gha lei phli nak ung, Assiria uktubawi Sennacherib naw Judah ung khäng ciah mang gaw gui cu tu ne khäm ci.

1 GHANGPUGHANG GUI 15:4

Cun ung phi David ah hmai teng ne a Khanpughi Bawipa naw ani ah hnu ung Jerusalem ung om ne uk ne, ngäng khai ah hta tumat Abijah cu pek ci.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

ISAIAH 38:4

Cun kawn Bawipa naw Isaiah aw,

SAM 6:9

Kei na m’htei khai ah ka kyah ngai ci nei, Kei ah taigü phi na m’shang khai nei.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

ISAIAH 37:21

Ghangpughang ah täigü, am shan nak ah Isaiah naw ghangpughang Hezekiak am, ang thumkhäh cu

NG’ÄI KYAH 3:56

Ka kyah na ng’yak vai ah kei naw ka ning ng’coipaa nak yah ung, nang naw na ng’yak ci nei.