ISAIAH 38:3 - Cho Bible Common Language 2016

³ “Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.

ISAIAH 38:3 Referans Kwoze

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

NEHEMIAH 13:14

Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

NEHEMIAH 5:19

O Khanpughi ka taigü ci, shin ah chang gui ah phäh ah kei naw ka bi phung cu na shüm pe ne na m’shum phyuk ä.

THULÄÄN NAK 6:18

Bawipa ah pyan cu bä ne nik ci kyasei, acun ah nami bi vai. Cun ung avan cu nangmi ung bä khai nei. Nami pupa gui am Bawipa naw shai atak ah anglei nik ciah khaw ung khawh c u nangmi naw nami gah khai.

SAM 6:8

Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

HOSEA 12:4

Ani naw khankho chang cu ng’tuk püi ne näng ci. Ani naw kyap ne hriham k’thäh ci. Bethela ung Khanpughi naw kami pupa Jakob ah law neta ng’thu püi ci.

SAM 119:80

Na thumkhän küm khai ah ka läk nak vai ah thu ng’a ne di nak ung na pyang m’tham ä.

SAM 102:9

Na m’lungshe la na m’lung thüi ah hmawk ah, m’vut cu ka ei ah kyak ci, ka awk cu ka ng’phlitui awn ng’caw ci. Nang naw na yuk chang ne, na na ghawt ci nei.

SAM 32:2

Bawipa ah m’kat nak ah hma nak kä om ne, m’thüi m’khang nak ung am hlawt ah chang cu yeikyai nak om ci.

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

SAM 26:3

Ng’täi ciah nang ah m’hni nak naw na m’shung ci; Na bekhüt nak naw angtäi sei lam na m’shüm ci.

SAM 16:8

Kei cu angtäi sei Bawipa ah ma ah ka om ci; ani naw na et sei, kei cu a i naw kä na k’hnün hlawt ci.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

EZRA 10:1

Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

2 SHONTÄP NAK 25:2

Ani naw Bawipa ah a yeinak vai ah bi te ci, cun ung am lung ngaih avan awn kä bik ci.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

1 SHONTÄP NAK 29:9

Chang gui naw pe hlü cang ne Bawipa am pek ci gui, cun ah akda ami pek ah phäh ah ngami cu anghtei ah yei ci gui. David ghangpughang phi anghtei ah yeikyai ci.

1 GHANGPUGHANG GUI 2:4

Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ATÜNNAK 6:9

Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.

1 GHANGPUGHANG GUI 15:14

Asa naw a gup khawihnah nak ah hmun gui avan kä amdi pang ung phi ani cu a ghin nak chuih Bawipa ung bekhüt ci.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

SAM 6:6

Kei cu yaica ne ka tha maih ci nei; Amü tä sei ih phak ung ka awk gu ci. Ka ng’khumbei ung ka ng’phli li ci.

ISAIAH 38:2

Hezekiah cu pang täng ah a hmai m’hlat neta, taigü ci:

ISAIAH 38:4

Cun kawn Bawipa naw Isaiah aw,

2 GHANGPUGHANG GUI 18:3

Ani naw apughi ghangpughang David cu läk ne, Bawipa naw a yeinak vai ah bii bik ci.