ISAIAH 38:1 - Cho Bible Common Language 2016

¹ Cun ah akhin ung Ghangpughang Hezekiah cu gaw ne si ghep ghep ci. Prophet Isaiah, Amoz ah hta naw hteit ne teng neta a pyen nak cu, “Bawipa naw na m’thein ci, nang naw a päng nü cu kyäp ge khaiah ne ci vai, nang cu kä na gai ba khai na si ge khai ah na om vai nei.”

ISAIAH 38:1 Referans Kwoze

2 SHONTÄP NAK 32:24

Acun ah akhin ung ghangpughang Hezekiah cu ak tä ah gaw ne si ghep ghep ci. Ani cu taigü khäta, a gai ba nak vai ah a mawng cu Bawipa naw pek ci.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

JONAH 3:10

Cun ah ami bi cu Khanpughi naw hmu gui ci, ami katnak ami ng’hlah taak phi hmu gui ci. Cun ah kyasei ani naw am lung m’thawng ne, a pyen te ah mäih ah kä m’di gui hnga ci.

LAMKTU 9:37

Ani cu gaw ne sik sei m’si m’hla u na im akhan kyong ah m’shän ci gui.

JONAH 3:4

Jonah cu mang gaw kyong ah lut ne hnüüp ät mü ne a hteh kawn ah, ani naw ng’thu shäu ci. A hnüüp phlikip ung Nineveh mang gaw cu dimaih khai nei!” cik ci.

ISAIAH 37:21

Ghangpughang ah täigü, am shan nak ah Isaiah naw ghangpughang Hezekiak am, ang thumkhäh cu

ISAIAH 37:2

Ani naw mang im ung angvaipi bawi Eliakim, mang im secretary shebna la taigü aghamhta gui cu Amoz ah hta prophet Isaiah ah tüi gui ci. Ngami cun phi thüisui sui ci gui.

ISAIAH 1:1

Shin ah ca-uk ung Judah la Jerusalem ah mawng Khanpughi naw Amoz ah hta Isaiah am ng’thu am than cu guk ah kyak ci, cun cu Judah ghangpughang Uzziah, Jotham, Ahaz la Hezekiah gui ah khin ah kyak ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

2 SAMUEL 12:22

David naw, “Ä, ani a ghin yah ung kei cu ei hlawi ne, thüi ne ka kyak ci. Bawipa naw kei cu na chimgein ne, a hmaw cu kä sih sak khai ah ka ngai ci.