ISAIAH 37:4 - Cho Bible Common Language 2016

⁴ Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”

ISAIAH 37:4 Referans Kwoze

ISAIAH 36:20

A i sang ung sei shin ah khopäng gui ah khanpughi gui naw ami khaw gui cu kami ghangpughang ah kut ung ka a hun gui man vü? Cun ung a i ah kyasei Bawipa naw Jerusalem cu hun hning ci, ciah nami ngaih ang?”

ISAIAH 1:9

M’gäi ciah Bawipa naw chang amshah kä ak pawih nak vai sü ung, Sodom la komorrah ah mäih ah Jerusalem cu avan ah m’di khai süte.

ISAIAH 10:22

Cun ung phi tuhbäi, Israel chang gui cu tuinu kem ah laigin ah mäih ah da ci gui nei, cun ungka apihta bäng nei law ba khai, Dishum nak cu chang gui ah phäh ah m’küm ci nei, cun cu akbe tucang ah kyak ci nei.

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

ROMAN 9:27

Israel chang gui ah mawng cu Isaiah naw, “Israel chang gui cu, tuinu kem ah laigin k’chü ah ami da ung phi, ngami ung kaa chang api naw vah hun nak cu gah khai gui.

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.

ISAIAH 36:18

Bawipa naw ning hun gui khai ah nami ngaih vai ah Hezekiah ah gungthu cu kä namizum vai. A hei pakhni gui ah ami khopäng gui mäami khanpughi gui naw Assirian ghangpughang ah kut ung ka hun gui man ne ang?

ISAIAH 36:13

Cun ah bawi cu ng’düi law ne, Hebru ng’thu awn m’lau neta, “Ngai vä, Assirian ghangpughang naw a ning py en nak gui cu.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

2 SHONTÄP NAK 28:19

Judah ghangpughang Ahaz naw a chang gui ah chaw tu vai phi la yawp ne, Bawipa ung phi kä bekhüt ci kyasei Bawipa naw Judah ah khan ah yaica nak a law püi ah kyak ci.

2 GHANGPUGHANG GUI 19:4

Assirian uktubawi ah tüih law ah gabawi naw ghing ciah Khanpughi cu päipih ci. Na Khanpughi Bawipa naw cun ah päipih nak ah ng’thu cu ng’ya ne, cun ah ng’thu ci gui cu m’kyuk gui sä. Cun ah kyasei pawih ba ciah mi chang gui ah phäh ah Khanpughi ah taigü ä.”

2 GHANGPUGHANG GUI 17:18

Bawipa cu Israel gui ah khan ah m’lungshe neta ama ungka naw maih sak gui ci, Judah uknak kho bäng k’pawih nak ci.

2 SAMUEL 16:12

Bawipa naw ka cümbawng nak cu hmat neta, ani ah shai she ah hnün ung hriham cu na pe hman khai nei” cik ci.

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

1 SAMUEL 7:8

Ngami naw Samuel am, “Mi Khanpughi Bawipa ah taigü ä, Philistin gui ung ka phyawn nak vai ah” cik ci gui.

JOSHUA 14:12

Cun kawn ah kei la ka chang naw ng’thu kani pyen law ba hnüüp ung, Bawipa naw shaitak ana pek ah kyasei, khawgui khaw cu na peä. Keimi naw kami ning m’thein ci, Anakim ciah chang dämcham pakhui gui cu, acu ah mang gaw däm gui vongpaang ne om ci gui nei. Bawipa naw kei cu na om püi khai nei. Bawipa naw a pyen ah mäih ah kei naw ka k’täm gui khai nei” cik ci.

ISAIAH 10:20

K’pawih ba ciah Israel chang gui naw, ngami m’di gui ciah chang pakhui gui kä ami yii hnei nak ba vai ah a khin gawk law ci nei. Bawipa, Israel gui ah theingciim ciah Khanpughi cu akcang ah yum ne ngaih u khai gui nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ISAIAH 37:5

Isaiah naw Ghangpughang Hezekiah ah ng’thu ng’ya neta,

ISAIAH 37:17

Tuhbäi, Bawipa, na ng’ya gui ä, keimi ah khaw ah a i ah kyak ci, cicu na yuk teng gui ä. Seunacheirib naw nang ning gheet ne a pyen ah ng’thu avan cu yuk ngai ä, ghing ciah khanpughi aw.

ISAIAH 37:31

Cun ung phi Judah ung k’pawih ci gui läi cu m’dek ung thauk sei ng’yung pya ne, m’theih pai ciah mäih ah kyak khai gui nei.

ISAIAH 37:32

Jerusalem la Zion m’htung ung k’pawih khai ah chang gui om khai gui nei, a i ah kyasei ci ung m’gäi ciah Bawipa naw cun ah kya lawk khai ah akbäi pyi ah kyak ci nei.

ISAIAH 46:3

Na ngai vä, Jakob ah hta ng’shon gui, k’pawih ciah kei ah ka chang gui. Nangmi nami hmi law ung tün ne kei naw ka ning m’htei htang gui ci nei.

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

JEREMIAH 42:2

kei cu na pyen nak ci gui, “Na bä ni, kami k’thäh cu na bi pe gui ä! Bawipa kami khanpughi ah keimi ah phäh ah na tai gü pe gui ä. Kami k’pawih ba ci avan ah phäh ah na k’taihü pe gui ä, Cau läi kami da man te ci; tuhbäi api hta kami k’pawih lawk ci, na hmuh ah mäih ah kyak ci.

DANIEL 2:18

Ani naw, “Khankho Khanpughi naw ana m’thein gui vai ah mi taigü khai, cun ah thuuk ciah ng’mang cu k’phlan ne ana m’thein gui vai ah mi thäh khai. Cun ung Babilon ung m’cumcäi ciah bawi gui awn atäng ah kä na ngawn tu gui khai gui nei” cik ci.

AMOS 7:2

Kei naw ka mang ung khaw a kyong ung khu am kim phung khanpeh gui naw ei yawp u sei ka hmuk ci. Cun kawn ah kei naw, “Uktu Bawipa na chang gui cu m’gein gui ä! A i hawkcha ah ngami pawih ba khai gui ang? Ngami cu yawken aih ci gui nei!”

2 SHONTÄP NAK 34:21

“Nang mi hteit ne kei la Israel la Judah ung om ba ciah chang gui ah phäh ah Bawipa cu ng’shi thäh vä. Shin ah ca-uk ung mi ng’theithang ah mawng cu nami shui vai. Bawipa naw na m’lungshe na gui ci, a i ah kyasei ci ung mi pupa gui naw Bawipa ah ng’thu kä ngai ci gui, shin ah ca-uk naw bi vai a pyen cu kä bik ci gui.”

ISAIAH 1:8

Ami kai ah mang gaw Jerusalem bäng k’pawih ba ci — ani cu ngäng ci yä om ciah ah sapyit la k’pyu ah mäih ah kyak ci, pacüh lo ung phung ah mäih ah kyak ci.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.