ISAIAH 36:6 - Cho Bible Common Language 2016

⁶ Egypt naw ning bawm khai ah an doui, cun cu m’long htung ng’shopawng nak ah mäih ah kyak khai nei-a cun cu hnget ne, na kut ning shun khai nei. Egypt ghangpughang cu chang naw ang khüng lawnak ah a kyak ung a cun ah mäih ah kyak ci nei.”

ISAIAH 36:6 Referans Kwoze

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

2 GHANGPUGHANG GUI 18:21

Egypt naw ning bawm khai ah na ngaih u ci nei, cun ung phi ani cu m’long ng’shopawng nak ah mäih ah kyak khai — acun cu hnget ne na kut ung ning shun khai. Cun cu Egypt Ghangpughang chang naw a ngaih u ung a cu cha ah a kyak thei su ah kyak ci.

2 GHANGPUGHANG GUI 17:4

Cun ung phi kum ät ung Hoshea naw Egypt ghangpughang So ah ng’shä tüi ne, ani naw abawm tu vai ah pyen neta Assiria am phlam kä pek ba ah om ci. Shalamanese naw cun cu hmat law neta Hoshea cu pha ne thawng ung chum ci.

SAM 146:3

Hnicim chang bawi cu kä nami ngaih u vai; hnicim chang naw kä ning hun gui hlawt khai.

NG'THU K'THUUK~ 25:19

Ang cet yah ung kä b ä ciah chang ung ng’khüi cu ha ak hnet awn htui ne ei ei ah mäih, a kho hnget ah hteh ah mäih ah kyak ci.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

EZEKIEL 17:17

Babilonia gui naw Chang gui akda ngawn nak vai ah m’dek khui gui la myawng gui ami cawh ah a kyak ung, a cun gui tuk vai ah Egypt ghangpughang ah huham ah ciah gakap naw phi ani cu kä bawm hning khai nei.

EZEKIEL 29:16

Israel gui cu ngami naw ami m’htei gui vai ah ngami kä ngaih u ba gui khai gui. Egypt gui ah ami manwgma naw ngami ung düshawn cu a i hlawk ah hma ci, cicu Israel gui am hmat sak gui ci. Cun kawn ah Israel gui naw kei cu uktu Bawipa ah na hmat khai gui.”