ISAIAH 36:10 - Cho Bible Common Language 2016

¹⁰ Nangmi naw Bawipa ah bawm nak kä om sei, nami kho cu tu ne ka m’di khai ah nami ngai ne ma? Kei naw tu ne ka m’di vai ah Bawipa amät naw na pyen nak ci nei.”

ISAIAH 36:10 Referans Kwoze

2 GHANGPUGHANG GUI 18:25

Nami khopäng cu Bawipa ah bawm nak kä om sei kei naw tu ne ka m’di ciah nami ngai ne ma? Kei naw tu ne ka m’di vai ah Bawipa amät naw na m’thein ci nei.

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

2 SHONTÄP NAK 35:21

Cun ung phi Neko naw shin ah ng’thu pyen ci: Judah Ghangpughang, shin ah ka bi law ah ng’tuk nak cu, nang ka ning bü nak ah kä kyak ci nei. Kei cu nang ka ning tuk khai ah kä ka lawk ci, ka ga gui ka tuk khai ah ka lawk ci nei, kei naw ka m’yan vai ah Khanpughi naw na pyen nak ci nei. Khanpughi cu kei täng ah om ci nei, kä na hnungtuk en püi ä, ani naw ning m’di khai nei.”

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

ISAIAH 37:28

“Cun ung phi nangmi ah mawng avan ka hmat ci, a i nami bi, a hawi nami hteh, a i hlawk ah nami m’lung she sei nami na hnung’tuk püi cu, kei naw ka hmatci.

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

1 GHANGPUGHANG GUI 22:12

Ahei prophet gui ami van naw acun ah mäih pyen ci gui. Ngami naw, “Ramoth cu na tuk vai nei, na näng khai nei. Bawipa naw näng nak ning pek khai nei” cik ci gui.