ISAIAH 36:1 - Cho Bible Common Language 2016

¹ Judah ung Hezekiah ghangpughang ah a kyak nak a kum ghaleiphli ung. Assiria mang bawi Sennacherib naw khäng htek ciah Judah mang gaw gui cu tu ne khän ci.

ISAIAH 36:1 Referans Kwoze

2 SHONTÄP NAK 32:1

Shin gui a kyak kawn ah Ghangpughang Hezekiah cu Bawipa ung bekhüt ne om ci, cun kawn ah Assiria uktubawi Sennacherib naw Judah cu tu lawk ci. Ani naw ami vong pang ah mang gaw gui cu khai gui neta vongpaang gui gäi ne ami lun vai ah agakap gui cu thukbäi gui ci.

2 GHANGPUGHANG GUI 18:13

Ghangpughang Hezekiah ah uknak a kum gha lei phli nak ung, Assiria uktubawi Sennacherib naw Judah ung khäng ciah mang gaw gui cu tu ne khäm ci.

2 GHANGPUGHANG GUI 18:17

Assirian uktubawi naw Lachish ungka naw Jerusalem ung Hezekiah tuk khai ah gakap akda tüi lawk ci; acun cu ani ah ak hlüng pi ah bawi gui thum naw tängpang ci gui. Ngami cu Jerusalem ung gawk law u ne, a khan täng ah ka tui ah lon law nak ah lawng pei, shuntah ci gui ah bi nak ah lam cu khäm u ne a cun ung om ci gui.

ISAIAH 7:17

Bawipa naw nang ah khan ah, na chang gui ah khan ah, mang im kyongchang van ah khan ah, Israel khaw, Jndah ung ka ang pai kawn ung gawk law man ciah sheka pi ciah yaica nak ah hnüüp cu law püi khai nei — ani naw Assiria ghangpughang cu law püi khai nei.

2 SHONTÄP NAK 12:4

Ani naw Judah khaw ah mang gaw k’pang gui tu ne khäm ne Jerusalem ah gawk ne tu law gui ci.

ISAIAH 7:20

Cun ah khin a gawk law ung, Bawipa naw luk’teiu ciah kyak ciah Euphratis kan ne Assiria ghangpughang — cu ng’vat lawk khai! Ani naw nami m’khamu, nami lumu la nami pum ung mu avan cu ning teiu pe gui khai.

MIKHAH 1:9

Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”